އަންނަ ސެޕްޓެމްބަރ މަހުގެ ނުވަވަނަ ދުވަހު ބާއްވާ ރިޔާސީ އިންތިހާބުގައި ގިނަ ބުރުތަކަކަށް ދާން ނެހެދުމަށް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު އިލްތިމާސްކޮށްފިއެވެ.
މުއިއްޒު މިހެން ވިދާޅުވީ، އަންނަ މަހުގެ ނުވަވަނަ ދުވަހު ބާއްވާ ރިޔާސީ އިންތިހާބުގެ ކެމްޕެއިންއަށް ހއ. ދިއްދޫއަށް ވަޑައިގެން އެ ރަށު ރައްޔިތުންނާއި ބައްދަލުކޮށް ރޭ ބޭއްވި ޖަލްސާގައި ވާހަކަފުޅު ދައްކަވަމުންނެވެ.
އެގޮތުން މުއިއްޒު ވިދާޅުވީ ޕީޕީއެމް/ޕީއެންސީ ކޯލިޝަންއިން ރާއްޖޭގެ ސަގާފަތާއި ބަހާއި، ރާއްޖޭގެ މިނިވަންކަމާއި އިސްތިގުލާލު ހިފަހަހައްޓާ ހިމާޔަތް ކޮށްދޭނެ ކަމަށެވެ.
އެހެން ކަމުން އެންމެން އެކައްޗެއް ކިޔައި، ރިޔާސީ އިންތިހާބު އެއްބުރުން ނިންމާލުމަށް މުއިއްޒު ވިދާޅުވިއެވެ.
އަދި ރއީސް އިބްރާހިމް މުހައްމދު ޞޯލިހްގެ ސަރުކާރުގެ އަޅުވަތިކަމުން ރާއްޖެ ސަލާމަތްކުރަންޖެހޭ ކަމަަށާއި، އެ ކޯލިޝަންއިން ވެރިކަމާއި ހަވާލުވެއްޖެނަމަ، އަބަދުވެސް އިސްކުރައްވާނީ ދިވެހި ގައުމު ކަމަށްވެސް މުއިއްޒު ވިދާޅުވިއެވެ.
"ގައުމުގެ މިނިވަންކަން ގެއްލުމުގެ ކޮޅު މަތީގައި މިއޮތީ. އެންމެން އެބަޖެހޭ އެއްބައިވަންތަ ބަޔަކަށް ވާން. ގައުމު ސަލާމަތްކުރެވޭނީ އެންމެން އެއް ފިކުރަކަށް އައިސްގެން. އެއީ ގައުމީ ފިކުރު. އެންމެ ފުރަތަމަ ގައުމު އިސްކުރުން. ކޮންމެ ސިޔާސީ ޕާޓީއެއްގައި ހުއްޓަސް އެމީހާ އެބަ އިސްކުރަންޖެހޭ ދިވެއްސަކަަށް ވީތީ ދިވެހިންގެ ރާއްޖެއެއް ގެނައުމަށް ވިސްނަންޖެހޭ."
މީގެ އިތުރުން އެ ބޭފުޅުންގެ ސަރުކާރެެއްގައި ޒުވާނުންނަށް ގިނަ ފުރުސަތުތަކެއް ހޯދައި ދެއްވާނެ ކަމަށް މުއިއްޒު ވައުދުވެ ވަޑައިގަތެވެ.
އެގޮތުން، ޒުވާނުންނަކީ ރައީސް ޔާމީންގެ މެނިފެސްތޯގައި އެންމެ އިސްކަމެއް ދެއްވާފައިވާ ފަރާތްތައްކަން މުއިއްޒު ފާހަގަކުރެއްވިއެވެ.
"ޒުވާނުންނަކީ ރައީސް ޔާމީންގެ މެނިފެސްޓޯގައި އެންމެ އިސްކަންދޭ ކަންކަން. އެމަނިކުފާނުގެ ފުރަތަމަ ދައުރުގައިވެސް އެކަން ރައްޔިތުންނަށް ފެނިގެންދާނެ. ސަރުކާރެެއް ބިނާވެގެން ދާންޖެހޭނީ ރައްޔިތުންގެ އަޑުއަހާ ސަރުކާރަަކަށް" މުއިއްޒު ވިދާޅުވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.