ވޭސްޓު މެނޭޖުމަންޓު ކޯޕަރޭޝަން (ވެމްކޯ)ގެ ޚިދުމަތް އިތުރު 15 ރަށަކަށް ފުޅާ ކުރާނެ ކަން ހާމަކުރައްވައިފިއެވެ.
ވެމްކޯގެ ޖެނެރަލް މެނޭޖަރ އިސްމާޢީލު އުބައިދު، ދައުލަތުގެ މީޑީޔާއަށް ދެއްވި އިންޓާވިއުއެއްގައި ވިދާޅުވީ، އަތޮޅުތެރޭގެ ރަށްރަށަށް ދިމާވެފައިވާ ކުނީގެ މައްސަލަ ހައްލުކުރުމަށް ސަރުކާރުން ވެމްކޯއާވެސް މުހިންމު މަސައްކަތްތަކެއް ހަވާލުކޮށްފައިވާ ކަމަށެވެ.
ރަށްރަށުގައި ކުނިކޮށި ތަރައްޤީކުރުމުގެ މަޝްރޫޢުތަކުގެ އިތުރުން ރާއްޖޭގެ އެކި ކަންކޮޅުތަކުން 26 ރަށެއްގައި ވެމްކޯގެ ޚިދުމަތް ފެށުމުގެ މަސައްކަތް ހަވާލުކޮށްފައިވާކަމަށް ވިދާޅުވިއެވެ.
ވެމްކޯގެ ޚިދުމަތް ފެށުމަށް ހަވާލުކޮށްފައިވާ 26 ރަށުގެ ކައުންސިލްތަކާއި މަޝްވަރާކުރެވި، އިދާރީ ގިނަ މަސައްކަތްތަކެއް މިހާރު ނިމިފައިވާ ކަމަށާ މިހާރު ކުރަމުންދަނީ ޢަމަލީގޮތުން މަޝްރޫޢުގެ މަސައްކަތް ފެށުމަށްޓަކައި ބޭނުންވާ ވެހިކަލްތަކާއި، މެޝިނަރީތައް ހޯދުމުގެ މަސައްކަތްތައްކަމަށް ވެސް އުބެއިދު ވިދާޅުވިއެވެ.
މިއަހަރުތެރޭ އިތުރު 15 ރަށެއްގައި ވެމްކޯގެ ޚިދުމަތް ފެށުމަށް މަސައްކަތް ކުރަމުންދާ ކަމަށް ވެސް އޭނާ ވިދާޅުވިއެވެ.
ރަށްރަށަށް ދިމާވެފައިވާ ކުނީގެ ދަތިތަކަން ހައްލު ކުރަން ސަރުކާރުން މަސައްކަތް ކުރަމުން ގެންދާއިރު، ހުރިހާ ސިޓީތަކަށް އެ ކުންފުނީގެ ޚިދުމަތް ވަނީ ފޯރުކޮށްދެވިފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.