މަސްތުވާތަކެތި މުޢާމަލާތްކުރުމުގެ މައްސަލައެއްގެ ކުށުގައި ގދ. ތިނަދޫ ކޯޓުގެ ކުރީގެ މެޖިސްޓްރޭޓް އިބްރާހިމް ރަޝީދު (46އ) ހޯދުމަށް ފުލުހުން އިއުލާންކޮށްފިއެވެ.
އިބްރާހިމް ރަޝީދު ހޯދުމަށް ފުލުހުން އިއުލާންކޮށްފައި ވަނީ، މަސްތުވާތަކެތީގެ މައްސަލައެއްގައި ކްރިމިނަލް ކޯޓަށް ހާޒިރުކުރަން ބޭނުންވެ، ހާޒިރު ކުރެވިފައި ނުވާތީ ކަމަށް ފުލުހުން މައުލޫމާތު ދެއެވެ.
މީގެ އިތުރުން މިއީ، ދައުލަތުން ދައުވާ ކުރާ، ޑައިމޯފިނުން މުއާމަލާތް ކުރުމުގެ ކުށުގައި ކަމަށްވެސް އެ އިއުލާނުގައި ފުލުހުން ބުނެފައިވެއެވެ.
ޕީޖީ އޮފީހުން އިބްރާހިމް ރަޝީދުގެ މައްޗަށް ޑައިމޯފިންއިން މުއާމަލާތް ކުރުމުގެ ދައުވާކުރީ 2017 ވަނަ އަހަރުގަ އެވެ. އެއީ ފުލުހުންނަށް ލިބުނު މައުލޫމާތަކާ ގުޅިގެން މެއި 28، 2016 ދުވަހުގެ މެންދަމު މަގުމަތިން އޭނާ ހުއްޓުވަން އުޅެނިކޮށް އޭނާ އެއްލާލި ކަމަށް ބުނާ ރަބަރު ޕެކެޓަކުން 0.0123 ގްރާމްގެ ޑައިމޯފިން ފެނުނު މައްސަލައެއްގަ އެވެ.
އޭނާ ބަންދުގައި ބަހައްޓައިގެން އަންނަ އޮކްޓޯބަރު 23، 9:45 ކަށް ކްރިމިނަލް ކޯޓަށް ހާޒިރުކުރަން އެ ކޯޓުން ވަނީ އަމުރުކޮށްފަ އެވެ.
އިބްރާހީމް ރަޝީދާ ގުޅޭ އެއްވެސް މައުލޫމާތެއް އެއްވެސް ފަރާތަކަށް ލިބިފައިވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި އެ މައުލޫމާތު ހިއްސާކުރުމަށް ފުލުހުން ވަނީ އެދިފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.