ކޮލަމާފުށީ މީހުން ޒަމާނުއްސުރެ ދަތުރުދާ ހުރެންދޫ އެންމެ 5 އަހަރަށް ކައުންސިލާއި ޙަވާލު ކޮއްފި

ކޮލަމާފުށީ މީހުން ޒަމާނުއްސުރެ ދަތުރުދާ ހުރެންދޫ ބެލެހެއްޓުން  5 އަހަރަށް ކޮންޓްރެކްޓް ކޮށް އެ މުއްދަތުގައި ޕިކްނިކް އައިލެންޑެއްގެ ގޮތުގައި ބޭނުންކުރުމަށް ގއ ކޮލަމާފުށީ ކައުންސިލާއި ޙަވާލު ކޮއްފި އެވެ. 

 ހުރެންދޫ ހަވާލުކުރެއްވުމުގެ އެއްބަސްވުމުގައި މިނިސްޓްރީ އޮފް ނެޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ މިނިސްޓަރ އޮފް ސްޓޭޓް ފޮރ ޕްލޭނިން އަކްރަމް ކަމާލުއްދީންއެވެ. ކޮލަމާފުށި ކައުންސިލްގެ ފަރާތުން ސޮއިކުރެއްވީ ކައުންސިލްގެ ނައިބު ރައީސް ޝަހާމަތު ހަނީފްއެވެ.ގައި ޕިކްނިކް އައިލެންޑެއްގެ ގޮތުގައި ބޭނުންކުރުމަށް، ގއ ކޮލަމާފުށީ ކައުންސިލާއި ޙަވާލު ކޮއްފި އެވެ. 

މި ރަށް ބެލެހެއްޓުމަށް ދޫކުރައްވާފައިވަނީ، "ދިވެހިރާއްޖޭގެ ފަޅުރަށްތަކާ ބެހޭ ޤާނޫނު"ގެ ދަށުން ހިމެނޭ ގަވާއިދު "މަސްވެރިކަމާއި ދަނޑުވެރިކަމާއި އިޤުތިޞާދީ ބޭނުންތަކަށް ފިޔަވައި އެނޫން ބޭނުންތަކަށް ފަޅުރަށްރަށް ދޫކުރުމާއި ބެހޭ ގަވާއިދު"ގެ ދަށުންނެވެ.

ކޮލަމާފުށި ކައުންސިލްގެ ރައީސް އިބްރާޙިމް ވަޙީދު ވިދާޅުވެފައި ވަނީ ކޮލަމާފުށްޓަކީ ގާމަތީ ރަށަކަށް ވުމާއެކު، ރަށުގެ ރައްޔިތުން މޫދަށް އެރިލާ ދަތުރުދާނެ ރަނގަޅު ސަރަޙައްދެއް ރަށުގައި ނެތްކަމަށެވެ. އަދި ހުރެންދޫ ބެލެހެއްޓުން ޕްލޭނިންގ މިނިސްޓްރީން ކޮލަމާފުށީ ކައުންސިލާއި ހަވާލުކުރެއްވީ ދަތުރުދާނެ ރަށެއް ހަމަޖައްސަވައިދެއްވުމަށް އެކައުންސިލުން ސަރުކާރުގައި އެދުމުންކަމަށެވެ.

ކައުންސިލްގެ ރައީސް ޕީ.އެސް.އެމް ގެ އަށް ދެއްވި މައުލޫމާތު ގައި ވިދާޅުވީ، މިހާރު ރަސްމީކޮށް އެ ރަށް ކައުންސިލާއި ހަވާލުކުރެއްވުމުން، ރަށް ޕިކްނިކް އައިލެންޑެއްގެ ގޮތުގައި ކައުންސިލުން ތަރައްޤީކުރާނެކަމަށެވެ. އެގޮތުން ދަތުރުދާ ރަށަކުން ލިބެންވާ ބައެއް މުހިންމު ފެސިލިޓީތައް ހުރެންދޫގައި ތަރައްޤީކުރާނެ ކަމަށެވެ. 

3 ހެކްޓަރު ގެ ހުރެންދުއަކީ ކޮލަމާފުށިން 3-5 މިނެޓުގެ ދަތުރެއްކޮށް ދެވޭހާ ކައިރީގައި އޮތް ފަޅުރަށެކެވެ.