ފަލަސްތީނަށް އެހީވުމަށް ފުރުސަތު މިހާރުވެސް ހުޅުވާލާފައިވާ ކަމަށާއި ހުޅުވި ފަންޑަށް މިހާތަނަށް ހަތް މިލިއަނަށް ވުރެ ގިނަ ރުފިޔާ ލިބިފައިވާ ކަމަށް އިންޓަނޭޝަނަލް އެއިޑް ކެމްޕެއިން (އައިއޭސީ) އިން ބުނެފި އެވެ.
މި މަހުގެ 8 ވަނަ ދުވަހު ހުޅުވި އިމަޖެންސީ ފަންޑަށް، އޮންލައިންކޮށް އެކަނި ވެސް ހަތް މިލިއަނަށް ވުރެ ގިނަ ރުފިޔާ ލިބިފައިވާ އިރު އެހެން ފަރާތްތަކުން ހިންގި ފަންޑްރެއިޒިންގެ ހަރަކާތްތަކުން ލިބިފައިވާ ފައިސާ ވެސް އެބަހުރި ކަމަށް އެ ޖަމިއްޔާ އިން ހާމަ ކުރެއެވެ.
އެ ޖަމިއްޔާ އިން ބުނެފައިވަނީ އާ ފަލަސްތީނަށް އެހީވެދޭ ފަންޑު ބަންދުކުރާނެ ދުވަހެއް އަދި ނޭނގޭ ކަމަށެވެ.
މީޑިއާ ތަކަށް އެ ރަށުގައި ޖަމްޢިއްޔާ އިން ދީފައިވާ މައުލޫމާތުތައް އެ ބުނާ ގޮތުގައި އެ ފަރާތުން ހިންގާ ޕްރޮޖެކްޓު އަގުތައް ހަދާފައި ވަނީ އެ ޕްރޮޖެކްޓެއް ހިންގުމާއި ބެލެހެއްޓުމާއި ދެމެހެއްޓުމާއި އިދާރީ ހިންގުމާއި ތަރައްގީ އަށް ދާނެ ކަމަށް ލަފާކުރާ ހަރަދުތަކާ އެކު، އެވްރެޖު 12.5 ޕަސެންޓް ހިމެނޭ ގޮތަށެވެ.
ދާނެ ތަނެއް ނެތި އަމިއްލަ ވަޒަން ދޫކުރުމަށް އިސްރާއީލުން ކުރި އަމުރުގެ ސަބަބުން މިލިއަނަކަށްވުރެ ގިނަ މުސްލިމް އަޚުންނާއި އުޚްތުން ވަނީ ގެދޮރު ދޫކޮށް ދާން މަޖުބޫރުވެފައެވެ.
ޔަހޫދީންގެ ހަމަލާތަކުގައި އެތަކެއް އާއިލާއެއްގެ 700 އަށްވުރެ ގިނަ ކުޑަކުދިން ވަނީ ޝަހީދުވެފައެވެ. އެތައް ހާސް ގެދޮރެއް ވަނީ އެއްކޮށް ނެތިކޮށްލާފައެވެ.
އިސްރާއީލުން ދެމުން ގެންދާ ހަމަލަ ތަކުގެ ޝިކާރައަކަށް ވެފައިވާ ފަލަސްތީނުގެ މުސްލިމުންނަށް އެހީ ވުމަށް މުޅި ދިވެހިރާއްޖޭގެ ހުރިހާ ރައްޔިތުން ދަނީ އެކި ގޮތްގޮތުން ހަރަކާތްތައް ހިންގާ އެހީވުމަށް މަސައްކަތް ކުރަމުންނެވެ.
ޚިޔާލު (1)
އުފެދޭސުވާލަކީ7މިލިއަންރުފިޔާގެންގޮސްއަޅާނީއަލިފާނައްތަ