އިޒްރޭލާއި، ގާޒާ އާ ދެމެދު ބަދަލުކުރެވެމުންދާ ހަމަލާތަކުގައި، އިންޓަނޭޝަނަލް އެއިޑް ކެމްޕޭން (އައިއޭސީ)އިން އެހީގެ ތެކެތި ރައްކާކޮށްފައިވާ ގުދަނަކަށް ގެއްލުންވި ނަަމަވެސް، އެ ގެއްލުމުގެ ސަބަބުން މަސައްކަތަށް ހުއްޓުމެއް ނާންނާނެ ކަމަށް އައިއޭސީން ބުނެފިއެވެ.
އެހީތެރިކަން ބޭނުންވެފައިވާ ގައްޒާގެ ރައްޔިތުންނަށް ދިވެހީންގެ ފަރާތުން ފޯރުކޮށްދީފައިވާ އެހީގެ ތަކެތި ހުރި ގަރާޖު ހުރި، ސަރަހައްދަށް އިޒްރޭލުން ދިން ހަމަލައެއްގައި އެގަރާޖަށް ވަނީ ގެއްލުން ލިބިފަ އެވެ.
ރާއްޖޭގެ ޓީވީ ޗެނަލްތައް ގުޅިގެން ކުރިއަށް ގެންދާ ޓެލްތޯންގައި އެ ހަމަލާ އާ ގުޅޭގޮތުން ވާހަކަދައްކަމުން، އައިއޭސީގެ މީޑިއާ ކޯޑިނޭޓަރު ހަޒާދު އަހުމަދު މިއަދު ވިދާޅުވީ، އެ ހަމަލާއަކީ ސީދާ އެ ގަރާޖަށް އަމާޒުކޮށްގެން ދިން ހަމަލާއެއް ނޫން ކަމަށެވެ. އެ ސަރަހައްދަަށް ދިން ހަމަލާގައި ގަރާޖަށްވެސް ގެއްލުން ލިބި އެހީގެ ތެކެއްޗަށް ގެއްލުންވި ނަމަވެސް، އެތަނުގައި ބަހައްޓާފައި އެވަގުތު ހުރި ތަކެއްޗަކީ ވަރަށް މަދު އަދަދެއްގެ ތަކެތި ކަމަށްވުމުން، ގެއްލުން ލިބުނީ ވަަރަށް މަދު ތަކެއްޗެއްކަން އޭނާ ފާހަގަކުރި އެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.