ޕަރިނީތީ ރާއްޖޭގައި، މާމުއި ހަނދަކަށް ނޫން ގަރލްސްޓްރިޕަކަށް

ބޮލީވުޑްގައި އަރަމުން އަންނަ ޒުވާން ބަތަލާ ޕަރިނީތީ ޗޯޕްރާ ކައިވެންޏަށްފަހު އިންޑިއާ އިން ބޭރަށް ކުރި ފުރަތަމަ ދަތުރުގައި ރާއްޖެ އައިސް އޭނާގެ މިދަތުރަކީ މާމުއިހަނދުގެ ދަތުރެއް ނޫންކަމަށާއި މިއީ ގާލްސްޓްރިޕެއް ކަމަށް ބުނެ އިންސްޓަގްރާމްގައި ފޮޓޯ ހިއްސާކޮށްފިއެވެ.

މިދިޔަ މަހު ކައިވެނި ކުރި ޕަރިނީތީ ރާއްޖޭގައި ޗުއްޓީ ހޭދަކުރަމުން އަންނަނީ ވޮލްޑޯފް އެސްޓޯރިއާ މޯލްޑިވްސްގައެވެ.

ޕަރިނީތީ އޭނާގެ އިންސްޓަގްރާމްގައި އެރިސޯޓްގައި ނަގާފައިވާ ފޮޓޯތައް ހިއްސާ ކުރަމުން ބުނެފައިވަނީ މިއީ މާމުއި ހަނދުގެ ދަތުރެއް ނޫން ކަމަށާއި މިއީ "ގާލްސް ޓްރިޕް"އެއް ކަމަށެވެ. ސްވިމިން ޕޫލްގައި ނަގާފައިވާ ފޮޓޯއަކީ އޭނާގެ ފަހަރި ނަގާފައިވާ ފޮޓޯއެއް ކަމަށްވެސް ޕަރިނީތީ ވަނީ ބުނެފައެވެ.

ޕަރިނީތީ އާއި އިންޑިއާގެ ސިޔާސީ ދާއިރާގައި މަސައްކަތްކުރާ ރާގަވް ޗައްޑާ ކައިވެނި ކުރީ މިދިޔަ މަހުގެ 24ގައި ރާޖަސްތާނުގަ އެވެ. އަދި ކައިވެނި ހަފުލާގެ ކުރިން ސަގާފީ އެހެން ހަފުލާތައްވެސް ބާއްވާފައިވެ އެވެ.

ޕަރިނީތީ ވަނީ މީގެ ކުރިންވެސް އެކި ފަހަރު މަތިން ޗުއްޓީ ހޭދަކުރުމަށް ރާއްޖެ އައިސްފައެވެ. ޕަރިނީތީ ވަނީ ރާއްޖެ އައުމުގެ ކުރިން ލެކްމޭ ފެޝަން ވީކްގައި ބައިވެރިވެފަ އެވެ.

އެންމެ ފަހުން ޕަރިނީތީ ފެނިގެން ގޮސްފައިވަނީ އޮކްޓޯބަރު މަހުގެ ހަވަނަ ދުވަހު ނެރުނު އަކްޝޭ ކުމާރުގެ "މިޝަން ރާނީގަންޖް" އިންނެވެ.