ގއ ދެއްވަދޫ، ސުލްތާން މުހައްމަދު ސުކޫލުގެ "ޕްލޭގްރައުންޑް"ގައި ޓާފްއަޅައި، ފެންވަރު ރަނގަޅު ކުޅޭ ބިމެއްގެ ގޮތަށް ތައްޔާރުކޮށް، ސުކޫލާ ހަވާލުކޮށްފިއެވެ.
ދެއްވަދޫ ކައުންސިލް ނައިބުރައީސް އަހްމަދު ފަޒްހާދު ހުވަދޫ ނޫހަށް މައުލޫމާތު ދެއްވަމުން ވިދާޅުވީ މިއީ ދެއްވަދޫ ކައުންސިލާއި ސުލްތާން ސުކޫލުގެ މެނޭޖްމަންޓާއެކު ބޭއްވި ބައްދަލު ވުމެއްގައި ސުލްތާން ސުކޫލުގެ ޕީޓީއޭ ގެ ބެލެނިވެރިންގެ އެދުމުގެ މަތިން ކުރިއަށް ގެންދިޔަ މަސައްކަތެކެވެ. މިއީ އެކަމަކަށް އެދި ސުކޫލުގެ ދަރިވަރުންނާއި ބެލެނިވެރިންނެކޭ އެއްފަދައިން ކައުންސިލްވެސް ނުހަނު އެދެމުން އައިސްފައިވާ ކަމެކެވެ.
މީގެ ކުރިން ސުކޫލުގެ ޕްލޭއޭރިޔާ އޮތީ ސުކޫލެއްގެ ކިޔަވާ ދަރިވަރުންތަކެއް ހަރަކާތްތައް ކުރިއަށް ގެންދަން އެކަށީގެންވަާ ގޮތަކަށް ނޫނެވެ. ކުދިން އުޅެމުން އައީ ހިރަފުހުގެ ތެރޭގައިކަމަށް ވެސް ކައުންސިލުން ވަނީ މައުލޫމާތު ދީފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.