ޒަމްޒަމް ފާރިޝްގެ މައްޗަށް ދަރިވަރުންތަކަކަށް ޖިންސީ ފުރައްސާރަ ކުރިކަމުގެ ތުހުމަތު ކުރެވި އެ މައްސަލަ ބަލަން ފަށައިފިއެވެ.
ޒަމްޒަމް ފާރިޝްއަކީ އަރަބިއްޔާ ސްކޫލްގެ ޓީޗަރެކެވެ. އޭނާގެ މައްޗަށް ތުހުމަތު ކުރެވިފައިވަނީ އަރަބިއްޔާ ސްކޫލްގެ ދަރިވަރުންތަކަކަށް ޖިންސީ ފުރައްސާރަކުރި ކަމަށް ކަމަށްވަނީ މައުލޫމާތު ލިބިފައެވެ.
މައުލޫލާތު ލިބިފައިވާ ގޮތުގައި ތުހުމަތު ކުރެވޭ މައްސަލަ އެޑިއުކޭޝަން މިނިސްޓްރީ އާއި ޖެންޑާ މިނިސްޓްރީންވަނީ ފުލުހުންނަށް ހުށަހަޅާފައެވެ. އެހެންނަމަވެސް ރަސްމީ އެއްވެސް ފަރާތަކުން މިކަން އަދި ކަށަވަރުކޮށްދީފައެއް ނުވެއެވެ.
އެ މައްސަލަ ބަލަމުން އަންނައިރު ޒަމްޒަމް ފާރިޝްވަނީ އަރަބިއްޔާ ސްކޫލުން ވަކިވާން ނިންމައިފަ އި ކަމަށްވެސް މައުލޫމާތު ލިބިފައިވެއެވެ.
ވެރިކަން ބަދަލުވުމުގެ ކުރިން ފުލުހަށް ހުށަހެޅި މައްސަލައިގެ ތަހުގީގު އަންނަނީ ހިންގަމުން ކަމަށް މައުލޫމާތު ލިބިފައިވާއިރު، އެ މައްސަލައާ ގުޅިގެން ބައެއް ދަރިވަރުންގެ ބަޔާންތައް ނަގާފައިވާ ކަމަށްވެސް މައުލޫމާތު ލިބިފައިވެއެވެ.
ޒަމްޒަމް ފާރިޝްވަނީ ކުރިންވެސް ވަޒީފާއިން ސަސްޕެންޑް ކުރެވިފައެވެ. އޭނާ އޭރު ސަސްޕެންޑް ކުރެވުނީ ކުރީގެ ވެރިކަމުގައި ރައީސް ސާލިހު ނެރުއްވި ގަރާރަކަށް ފާޑިކުން އަމާޒު ކުރުމުންނެވެ. އެހެންނަމަވެސް އޭނާގެ ސަސްޕެންޝަން އުވާލަން ޖެހުނީ އޭނާ ސަސްޕެންޑް ކުރެވުނީ ގަވާއިދާ ޚިލާފަށްކަމަށް ވަޒީފާއާބެހޭ ޓަރިބިއުނަލްއިން ނިންމުމާއި ގުޅިގެންނެވެ.
ޚިޔާލު (1)
ދަންނާށެވެ. ބޮޑެތި ދޮގު ހަދައިގެން ކުށެއްނެތް މީހުން ބަދުނާމް ކުރާމީހުން ﷲ ބޭޒާރު ކުރައްވާނެއެވެ. އެއީ ﷲގެ ސުންނަތެވެ.