ރާއްޖެއަށް މިހާރު ކުރަމުންދާ ވިއްސާރައިގައި މިހާތަނަށް ފެންބޮޑުވެ، ގޭގެއަށް އެކިވަރުގެ ގެއްލުން ލިބިގެން 5 ރަށަކުން ރިޕޯޓްކޮށްފައިވާއިރު މާލޭ ސިޓީ އަށް ކުރަމުންދާ ވިއްސާރައިގައި 11 ގެއެއްގެ 54 މީހަކަށް މިހާތަނަށް ވަގުތީ ބޯހިޔާވަހިކަން ވަނީ ދެވިފައި ކަމަށް ނޭޝެނަލް ޑިޒާސްޓަރ މެނޭޖްމަންޓް އޮތޯރިޓީ، އެން.ޑީ.އެމް.އޭ އިން ވިދާޅުވެއްޖެއެވެ.
ވިއްސާރައިގެ ސަބަބުން ގެއްލުން ލިބުނު ރަށްތަކަށް އެހީތެރިކަން ފޯރުކޮށްދިނުމަށް ކުރަމުންދާ މަސައްކަތުގެ އެންމެފަހުގެ މަޢުލޫމާތު ހިއްސާކުރުމަށް ބޭއްވި ނޫސްވެރިންގެ ބައްދަލުވުމުގައި އެން.ޑީ.އެމް.އޭގެ ޗީފް އެގްޒެކެޓިވް ހިސާން ހަސަން ވިދާޅުވީ، ހޮނިހިރު ދުވަހުގެ މެންދަމުން ފެށިގެން މާލެއަށާއި، އަތޮޅުތަކުގެ އެކި ސަރަޙައްދުތަކަށް ކުރަމުންދިޔަ ވިއްސާރައިގެ ސަބަބުން ފެންބޮޑުވެ، އެކި ވަރުގެ ގެއްލުންތައް ލިބިގެން އެ އޮތޯރިޓީއަށް ރިޕޯޓްތައް ލިބިފައިވާކަމަށެވެ.
އެގޮތުން މިހާތަނަށް މާލޭގެ އިތުރުން އަތޮޅުތަކުން 5 ރަށަކުން ފެންބޮޑުވެގެން ރިޕޯޓްކޮށްފައިވާކަމަށް ހިސާން ވިދާޅުވިއެވެ. ހިސާން ވިދާޅުވީ، މިހާރު ކުރަމުންދާ ވިއްސާރައިގައި ފެންބޮޑުވެ، ގެއްލުން ލިބުނު ގޭބިސީތަކުގެ މަޢުލޫމާތު އެއްކޮށް، ލިބިފައިވާ ގެއްލުންތަކުގެ އެސެސްމަންޓްތައް ހަދާ، ކަނޑައެޅިފައިވާ އުޞޫލުގެ ތެރެއިން މާލީ އެހީ ފޯރުކޮށްދިނުމުގެ މަސައްކަތް އެން.ޑީ.އެމް.އޭއިން ކައުންސިލްތަކާގުޅިގެންކުރަމުންދާނޭކަމަށެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.