ދަރުމަވަންތަ މިސްކިތުގެ ފެން މޯޓަރު ވަގަށް ނަގައިފިކަމަށް މާލޭ ސިޓީ ކައުންސިލުން ވިދާޅުވެއްޖެއެވެ.
އެ ކައުންސިލުން ވިދާޅުވީ އެ މިސްކިތުގެ ފެން މޯޓަރު ވަގަށް ނަގާފައިވަނީ މާރޗު 30 ވަނަ ދުވަހުގެ ރޭގެ ވަގުތެއްގައި ކަމަށެވެ. އަދި އެ މައްސަލަ ފުލުހަށް ހުށަހަޅާފައިވާ ކަމަށެވެ.
މިކަމާއިގުޅިގެން ދިވެހި ފުލުހުންގެ ހިދުމަތުން 'އެކްސް' ގައި ވިދާޅުވީ ކުށް ހިނގި ތަނަށް ހާޟިރުވެ ކުށުގެ ވެށިން ތަހުގީގަށް ބޭނުންވާ މައުލޫމާތު އެއްކުރުމަށް މަސައްކަތް ކުރަމުންދާ ކަމަށެވެ.
މިފަހަަށް އައިސް މާލޭގައި ވައްކަން ކުރުން އާންމުވެފައިވާއިރު، މާރޗު 24 ވަނަ ދުވަހުގެ ރޭ ވަނީ ދަރުމަވަންތަ މިސްކިތުގެ ފާރުގައި ހަރުކޮށްފައި ހުރި ދެ ފަންކާ ވެސް ވަގަށް ނަގާފައެވެ.
އެ މައްސަލަ ވެސް ފުލުހުންނަށް ރިޕޯޓްކޮށްފައިވީނަމަވެސް އެ މައްސަލަތަކުގައި މީހަކަށް ފިޔަވަޅު ކަމެއް ފުލުހުން އަދިހާމަކުރައްވާފައެއް ނުވެއެވެ
މީގެ އިތުރުން ބަންޑާރަ މިސްކިތުގެ އަންހެނުންގެ ފާޚާނާގެ ތައްޓާއި ވިޔަފާރިވެރިންގެ މިސްކިތުގެ އަންހެނުން ވުޟޫކުރާ ބައިގެ ފެން އިސްކުރުތަކަށް ވެސް ބަޔަކުމީހުން ވަނީ ގެއްލުންދީފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.