ހަމަލާތަކަށް އިޒްރޭލަށް ތާއީދު ނުކުރުމަށް އީރާނުން އެމެރިކާއަށް އިންޒާރު ދީފިއެވެ.
އީރާނުގެ ރިވޮލިއުޝަނަރީ ގާޑުން ވަނީ އިޒްރޭލަށް އެއްވެސް ބާވަތެއްގެ ތާއީދެއް ނުވަތަ އީރާނުގެ މަސްލަހަތު ގެއްލުވާލުމުގައި ބައިވެރިނުވުމަށް އެމެރިކާއަށް އިންޒާރު ދީފަ އެވެ.
އިސްރާއީލުގެ ކަންކަމުގައި އެހީތެރިވާނަމަ ބަލަހައްޓައިގފެން ނުތިބޭނެ ކަމަށްބުނެ އީރާނުން ވަނީ ޖޯޑަންއަށް ވެސް ފަހުގެ އިންޒާރު ދީފައެވެ.
އީރާނުގެ އަސްކަރީ މަސްދަރަކާ ހަވާލާދީ އީރާނުގެ ސެމީ އޮފިޝަލް ނިއުސް އެޖެންސީ ފާރސް އިން ރިޕޯޓްކޮށްފައިވާ ގޮތުގައި ތެހެރާނުން ދިން ބަދަލުހިފުމުގެ ހަމަލާތަކުގައި އިސްރާއީލަށް ތާއީދުކޮށް އެއްވެސް ފިޔަވަޅެއް އެޅިޔަސް އީރާނުން ޖޯޑަން އަށް ބަލަހައްޓައިގެން ތިބީ އެ ގައުމު "ދެން އޮތް ޓާގެޓަކަށް" ވެދާނެ ކަމުގެ އިންޒާރު ދެމުންނެވެ.
"އަސްކަރިއްޔާއިން މައުލޫމާތު ދިން ފަރާތަކުން ބުނީ އަދަބު ދިނުމުގެ ހަމަލާތަކުގައި ޖޯޑަންގެ ހަރަކާތްތައް [އަޅުގަނޑުމެން] ވަރަށް ގާތުން ބަލަމުން އަންނަ ކަމަށެވެ.
އަދި [އިސްރާއީލަށް ތާއީދުކުރުމަށް] އެޅިދާނެ އެއްވެސް ފިޔަވަޅެއްގައި އެމީހުން ބައިވެރިވެއްޖެ ނަމަ ދެން އޮތް ޓާގެޓަކަށް ވާނީ އެމީހުން،" ފާރސް ވިދާޅުވި އެވެ.
އީރާނުން އިސްރާއީލަށް ދެމުންދާ ހަމަލާތަކުގައި އެއްވެސް ގައުމެއްގެ ބައިވެރިވުން އޮތް ނަމަ އެގައުމަކާއި ދޭތެރޭ ހަރުކަށި ފިޔަވަޅު އަޅާނެ ކަމަށް އީރާނުގެ އަސްޖކަރިއްޔާއިން ދަނީ ގައުމުތަކަށް އިންޒާރު ފޮނުވަމުންނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.