މ. ރަތްމަންދޫ ބޭރުން ފަރުމަސް ބާނަން ގޮސް އުޅެނިކޮށް ގެއްލުނު ދޯނި އެމްއެންޑީއެފުން ހޯދައިފިއެވެ.

އެމްއެންޑީއެފުން ބުނީ މިދޯނި ފެނިފައިވަނީ މ. ރަތްމަންދޫގެ 23 ނޯޓިކަލް މޭލު ބޭރުން އިންޖީން ހުއްޓިފަައިވަނިކޮށް ކަމަށާއި ދޯނިން ދަތުރުކުރި 3 މީހުންގެ ހާލުވެސް ރަނގަޅު ކަމަށެވެ. މި ދޯނި ގެއްލިފައިވާކަމުގެ މަޢުލޫމާތު ފުލުހުންނަށް ލިބިފައިވަނީ ރޭގެ 22:06 ހާއިރުއެވެ. މި މައުލޫމާތު ފުލުހުން އެމްއެންޑީއެފާއި ރޭގެ 22:45 ހާއިރެވެ. އެމްއެންޑީއެފުން ވަނީ ކަނޑާއި ވައިގެ މަގުން މި ދޯނި ހޯދުމުގެ މަސައްކަތް ކޮށްފައެވެ.

މިގޮތުން ދޯނި ހޯދުމުގެ މަސައްކަތަށް ކޯސްޓް ގާޑް ގެ އިތުރުން، އެމްއެންޑީއެފް ވައިގެ ބާރުން ވަނީ އަންމޭންޑް އޭރިއަލް ވެހިކަލް ނުވަތަ ޑްރޯން ވެސް ބޭނުންކޮށްފައެވެ.