ޖަޕާނުގެ ކުމަމޯޓޯ ޕްރިފެކްޗާއަށް އައި ބާރުގަދަ ބިންހެލުޏޤ، އެތައް ބައެއްގެ ފުރާނަ ގެއްލި އަދި ގިނަ ބަޔަކު ޒަހަމްވި ހިތާމަވެރި ކާރިސާއާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ޖަޕާނުގެ ބޮޑުވަޒީރު ތަކައިޗީ ސަނާއޭއަށް ތައުޒިޔާގެ މެސެޖެއް ފޮނުއްވައިފިއެވެ.
ރައީސުލްޖުމްހޫރިއްޔާ ފޮނުއްވި މެސެޖުގައި، މި ބިންހެލުމުގެ ސަބަބުން ގިނަ ބައެއްގެ ފުރާނަ ގެއްލި، އެތައް ބަޔަކަށް އަނިޔާވެ، ގެދޮރާއި މުދަލަށާއި އުމްރާނީ ވަސީލަތްތަކަށް ލިބުނު ބޮޑެތި ގެއްލުންތަކުގެ ޚަބަރު އަޑުއެއްސެވީ ފުން ހިތާމައާ އެކުގައި ކަމަށް ވިދާޅުވެފައިވެއެވެ. އެމަނިކުފާނު ވަނީ ދިވެހި ރައްޔިތުންނާއި ސަރުކާރުގެ ނަމުގައި، ޖަޕާނުގެ ބޮޑުވަޒީރަށާއި ރައްޔިތުންނަށް، އަދި ވަކިން ހާއްސަކޮށް ބިންހެލުމުގައި މަރުވި މީހުންގެ އާއިލާތަކަށް އިހުލާސްތެރި ތައުޒިޔާ އާއި ހަމްދަރުދީ ފާޅުކުރައްވާފައެވެ.
މި ހާދިސާގައި ފުރާނަ ގެއްލުނު އާއިލާތަކަށް ކެތްތެރިކަން ދެއްވުމަށް އެދިވަޑައިގަންނަވަމުން، ރައީސުލްޖުމްހޫރިއްޔާ ވިދާޅުވީ ގެދޮރު ގެއްލި ހާލުގައި ޖެހުނު މީހުންނާއި އަނިޔާވި މީހުންނާއެކު ދިވެހި ރައްޔިތުން ސާބިތުކަމާއެކު ތިބި ކަމަށެވެ. އަދި މި ހިތާމަވެރި ދަނޑިވަޅުގައި ދިވެހި ރައްޔިތުންގެ ހެޔޮ ދުއާތައް ވަނީ ޖަޕާނުގެ ރައްޔިތުންނާ އެކުގައިކަން އެމަނިކުފާނު ފާހަގަކުރެއްވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.