ފްރެންޑް 4 ސަޕްލައި ދޯނި އަޑިއަށްދިޔަ ހާދިސާގައި ގެއްލުނު 3 މީހުންގެ ތެރެއިން ގދ. ތިނަދޫ އަށް އުފަން އިބްރާހީމް އަޙްމަދު ކުޅިވަރަށް ކޮށްދެއްވާފައިވާ އަގުނުކުރެވޭފަދަ ޚިދުމަތްތަކާއި، އޭނާގެ ހަނދާންތައް އާކުރުމުގެ ގޮތުން، "ޑަބްލިއު.ޑީ.ސީ ހިޔަލަ ހޭންޑްބޯޅަ މުބާރާތް 8" ގައި އޭނާ ބޭނުންކުރި 9 ނަންބަރު ޖާޒީ ރަސްމީކޮށް ހުވަދޫ ރެކްރިއޭޝަނުން ރިޓަޔަރ ކޮށްފިއެވެ.
ހުވަދޫ ރެކްރިއޭޝަނުން މަޢުލޫމާތު ދޭގޮތުގައި، މި ނިންމުމަކީ އިބްރާހީމް އަޙްމަދު ކުޅިވަރުގެ މައިދާނުގައި ދެއްކެވި ސާބިތުކަމާއި، ބެހެއްޓެވި ފަރުވާތެރިކަމުގެ އަގުވަޒަންކުރުމުގެ ގޮތުން ނިންމި ނިންމުމެކެވެ. މީގެ ފަހުން މި މުބާރާތުގެ އެއްވެސް މެޗެއްގައި އެއްވެސް ކުޅުންތެރިއަކު 9 ނަންބަރު ޖާޒީ ބޭނުން ނުކުރާނެ ކަމަށް އެ ފަރާތުން ވަނީ އިޢުލާންކޮށްފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.