ގައުމީ ފެންވަރުގައި މި އަހަރުގެ އަޟްހާ އީދު ފާހަގަ ކުރާނީ ރ. އުނގޫފާރު އާއި ދ. ކުޑަހުވަދޫ އާއި ގއ. ވިލިނގިލީގައި ކަމުގައި ދިވެހިބަހާއި ސަގާފަތާއި ތަރިކައާ ބެހޭ ވުޒާރާ އިން ކަނޑައަޅައި އިއުލާންކޮށްފި އެވެ.
ރާއްޖޭގެ އުތުރުން އެއް ރަށުގައި، މެދުރާއްޖެ ތެރެއިން އެއް ރަށުގައި އަދި ދެކުނުގެ އެއް ރަށުގައި، ޖުމްލަކޮށް ބުނާނަމަ މުޅި ރާއްޖޭގައި އީދު ފާހަގަ ކުރުމަށް ނިންމާފައެވެ.
ރާއްޖޭގެ އުތުރުން އީދު ފާހަގަކުރަނީ ރ އުނގޫފާރުގައެވެ. މެދުރާއްޖެ ތެރޭގެ ރަށްތަކުގެ ތެރެއިން ކުޑަހުވަދޫގައި އީދު ފާހަގަ ކުރާއިރު، ދެކުނުގައި އީދު ފާހަގަ ކުރާނީ ވިލިނގިލީގައެވެ.
އަޟްހާ އީދު ފާހަގަ ކުރުމަށް ޝައުގުވެރިވާ ރަށް ރަށުން މިދިޔަ މަހުގެ 25 ގައި ހުޅުުވާލި ޕްރޮޕޯސަލް ގެ ފުރުސަތު ހަމަވިއިރު 26 ރަށަކުން ޕްރޮޕޯސަލް ހުށަހެޅިއެވެ. އެއީ ރާއްޖޭގެ އުތުރުން ހަތް ރަށަކާއި، މެދުރާއްޖެތެރެއިން 10 ރަށަކާއި، ރާއްޖޭގެ ދެކުނުން 9 ރަށެކެވެ.
އެ ވުޒާރާ އިން ބުނީ ރަށްތައް ކަނޑައެޅުމުގައި ބެލި ކަންތައްތަކުގެ ތެރޭގައި، އީދުގައި އެ ރަށަކުން ކުޅޭނެ ކުޅިވަރުތަކަށާއި ކުރާނެ ހަރަދުތަކާއި އަގެއް ނުނަގައި އެ ރަށަކުން ކޮށްދޭނެ ކަންތައްތައް ހިމެނޭ ކަމަށެވެ.
އަޟްޙާ އީދު ފާހަގަ ކުރުމަށް ޝައުގުވެރިކަން ފާޅުކޮށް ހުށަހަޅާފައިވާ ޕްރޮޕޯސަލްތައް ބަލައި މާކްސް ދިނުމަށް ހާއްސަ ކޮމެޓީއެއް އެކުލަވާލިއެވެ. ޕްރޮޕޯސަލްތައް ބަލައި މާކްސްދީ، ރަށްތައް ކަނޑައެޅީ މި ކޮމިޓީންނެވެ
ޚިޔާލު
އެންމެ ފުރަތަމަ ޚިޔާލު ދެއްވާ.