ޗައިނާގެ ޗެމްބަރ އޮފް ކޮމާސް އިން ހިޔާ ފުލެޓުގައި ދިރިއުޅޭ ފަރާތްތަކަށް ހަދިޔާ ކުރި ފިޔާ ބަހާ ނިންމާލީ ކާމިޔާބު ކަމާއެކު، 44 ޓަނުގެ ފިޔާ 7000 މީހުންނަށް ފޯރުކޮށްދީފައި ކަމަށް ކޮމޮނަރސް އެމްވީ އިން ބުނެފި އެވެ.
ޗައިނާގެ ޗެމްބަރ އޮފް ކޮމާސްގެ ދީލަތި އެހީއާއެކު ހިޔާ ފުލެޓުގައި ދިރިއުޅޭ އާއިލާތަކަށް ފިޔާ ބެހުމުގެ މަސައްކަތުގައި އިސްކޮށް ހަރަކާތްތެރިވި ޖަމިއްޔާ 'ދަ ކޮމޮނާސް' އިން ބުނީ ފިޔާ ބެހުމުގެ މަސައްކަތް މިއަދު ހެނދުނު 09:00 ގައި ފަށައިގެން އިރުއޮއްސުމާ ހަމައަށް ކުރިއަށް ގެންދިޔައިރު ބަހާފައި ވަނީ ވަކި ފްލެޓެއްގެ ވަކި ބަޔަކަށް ނުބަލާ، ހުޅުމާލޭ ދެވަނަ ފިޔަވަހީގެ ހުރިހާ ރައްޔިތުންނަށް ކަމަށެވެ.
އެގޮތުން މަސައްކަތް ނިންމާލީ ޖުމުލަ 44 ޓަނުގެ ފިޔާ، 7000 އަށް ވުރެ ގިނަ މީހުންނަށް ފޯރުކޮށްދީފައި ކަމަށް ދަކޮމޮނަރސް އިން ވަނީ ބުނެފައެވެ.
ފިޔާ ބެހުމުގެ މި ބޮޑު ޙަރަކާތް ނިންމާލުމުގެ ރަސްމިއްޔާތެއް މި މަހުގެ 29 ވަނަ ދުވަހު ސަލާހުއްދީން ސުކޫލުގައި ބޭއްވުމަށް ރާވާފައިވާއިރު މި ރަސްމިއްޔާތުގައި، ޗައިނާގެ އެމްބަސީގެ އިތުރުން، ޗެމްބަރ އޮފް ކޮމާސް އިންވެސް ބައިވެރިވާނެކަމަށް އެ ޖަމިއްޔާއިން ވަނީ ހާމަކޮށްފައެވެ.
މިއަދު ހުޅުމާލެ ދެވަނަ ފިޔަވަހީގައި ބެހި، ޗެމްބަރ އޮފް ކޮމާސް އިން ހަދިޔާ ކުރި ފިޔާ - ފޮޓޯ: ދަ ކޮމޮނާސް
ހަމަމިއާއެކު އަދިވެސް މުސްތަގުބަލުގައިވެސް މި ފަދަ ޙަރަކާތްތައް ހިންގާނެކަން ދަ ކޮމޮނާސް އިން ވަނީ ފާހަގަކޮށްފައެވެ. އަދި ހުޅުމާލެ ދެވަނަ ފިޔަވަހީގައި މިފަދަ ޙަރަކާތްތައް ހިންގުމަށް ފުރުސަތުތައް ފަހިވާނެ ކަމަށް އުއްމީދު ކުރާކަމަށްވެސް ވަނީ ބުނެފައެވެ.
ހާއްސަކޮށް ހުޅުމާލޭ ފޭސްދޭއްގައި ދިރިއުޅޭ ހިޔާޓަވަރުތަކުގެ އާއިލާތަކަށް އެކިކަހަލަ ކަންކަމުގައި އަޑުއުފުލައި އެހީތެރިވަމުންދާ ދަ ކޮމޮނަރސް މަޝްހޫރުވެފައި ވަނީ ކޮތަރުކޮށި ޖަމިއްޔާގެ ނަމުންނެވެ.
ހަހާހަށްވުރެ ގިނަ ރައްޔިތުން އުޅޭ މި ޖަމްޢިއްޔާއަކީ ދިވެހި ރާއްޖޭގައި ބޮޑުވެފައިވާ ގެދޮރުވެރިކަމުގެ މައްސަލައިގައި އެންމެ ބޮޑަށް އަޑުއުފުލާ ޙަރަކާތްތެރިވާ ޖަމިއްޔާ ކަމަށްވާއިރު، މިއީ ރާއްޖޭގައި އެންމެ ފަހުން ބޭއްވި ރިޔާސީ އިންތިހާބުގައި ވެސް ހައްގަށް ވަކާލާތު ކުރުމަށް ކުރިއަށް ނުކުމެ ތިބި ބައެއްކަން ފާހަގަކޮށްލަމެވެ. އަދި މި ޖަމިއްޔާއިން ހިޔާޓަވަރުތަކުގައި ދިރިއުޅޭ އާއިލާތަކަށް ކަންކަމުގައި މަގު ފަހިކޮށްދިނުމުގައި އަބަދުވެސް އެންމެ ކުރީ ސަފުގައި ތިބޭކަމަކީވެސް އުފާވެރި ހަގީގަތެކެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.