މިއަހަރުގެ ހައްޖުގެ އަޅުކަމަށް 1.2 މިލިއަނަށް ވުރެ ގިނަ މީހުން އެގައުމަށް ގޮސްފައިވާކަމަށް ސައުދީ އަރަބިއްޔާގެ ހައްޖު އެންޑް އުމްރާ މިނިސްޓްރީން ބުނެފިއެވެ.
ސައުދީ ގެ ހައްޖު އެންޑް އުމްރާ މިނިސްޓަރު ތައުފީގު އަލް ރާބިއާ ވިދާޅުވި ގޮތުގައި މިއަހަރުގެ ހައްޖު މޫސުމަށް ތައްޔާރުވުމުގެ ގޮތުން ހައްޖު ޕްރޮޖެކްޓްސް އޮފީހުން ދައުލަތުގެ 50 އަށް ވުރެ ގިނަ އިދާރާތަކާ ގުޅިގެން 2،600 ތަނެއްގައި 300 މަސައްކަތް ފުރިހަމަކޮށްފައިވާ ކަމަށް އެވެ.
މިދިޔަ އަހަރުގެ ހައްޖުގެ އަޅުކަން ނިމުނު ފަހުން އަލް ރާބިއާ އާއި އޭނާގެ ޓީމު 11 ގައުމަކަށް ޒިޔާރަތްކޮށް ހައްޖުވެރިންނަށް އެހީވެ، ގޮންޖެހުންތައް ހައްލު ކުރުމަށް މަޝްރޫއުތަކަށް އިންވެސްޓް ކުރުމާ ބެހޭ ގޮތުން މަޝްވަރާކޮށްފައިވެއެވެ.
އަލް ރާބިއާ ވިދާޅުވީ 250،000 ހައްޖުވެރިން މައްކާ ރޫޓު ބޭނުންކޮށްފައިވާކަމަށެވެ. އަދި ހަތް ގައުމެއްގެ 11 އެއާޕޯޓަކުން ދަތުރުކުރާ މީހުންނަށް އެމީހުންގެ އަމިއްލަ އެއާޕޯޓުތަކުގައި ސައުދީ އަރަބިއްޔާއަށް އެތެރެވުމުގެ ރަސްމީ ކަންކަން ފުރިހަމަކޮށްފައިވާ ކަމަށާއި އޭގެ ސަބަބުން މައްކާ އާއި މަދީނާއަށް ދިއުމަށް ސީދާ މަގެއް ލިބިގެންދާނެ ކަމަށްވެސް އަލްރާބިއާ އިން ވިދާޅުވިއެވެ.
އެ ހަތް ގައުމަކީ ޕާކިސްތާން، މެލޭޝިއާ، އިންޑޮނޭޝިއާ، މޮރޮކޯ، ބަންގްލަދޭޝް، ތުރުކީ އަދި އައިވަރީ ކޯސްޓް އެވެ.
ދުނިޔޭގެ އެކި ކަންކޮޅުތަކުން ގިނަ އަދަދެއްގެ ބަޔަކު ހައްޖުގެ އަޅުކަމަށް މައްކާއަށް ޖަމާވެފައިވާއިރު، މި ހައްޖު ދުވަސްވަރު ފިނިހޫނުމިން 44 ޑިގްރީ ސެލްސިއަސް އަށް ވުރެ މައްޗަށް ދާނެ ކަމުގެ އިންޒާރު ކަމާބެހޭ ފަރާތްތަކުން ވަނީ ދީފަ އެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.