ހުއްދަނެތި ގަވާއިދާ ހިލާފަށް, ގިނަ އަދަދެއްގެ ބިދޭސީ މަސައްކަތުމީހުންނާއެކު ސިނަމާލެ ބްރިޖު މަތިން ދަތުރުކުރި ދެ އުޅަނދެއް ހުއްޓުވައި ޑްރައިވަރުންގެ ލައިސަންސް ހިފަހައްޓައިފިއެވެ.
ފުލުހުން ބުނީ، ގަވާއިދާ ހިލާފަށް، ހުއްދަނެތި މީހުން އަރުވައިގެން މިއަދު މާލެއިން އެއާޕޯޓަށް ދަތުރުކުރި އެ އުޅަނދު ހުއްޓުވައި ޗެކް ކުރިއިރު އެއީ "ބީ" ޒޯންގައި ރެޖިސްޓާކޮށްފައިވާ އުޅަނދެއް ކަމަށެވެ. ހުއްދަ ނެތް ޒޯނެއްގައި ދުއްވުމުގެ އިތުރުން އަހަރީ ފީ ހަމަ ވެފައި ވާތީ ފުލުހުން ވަނީ އެ އުޅަނދު ޓޯކޮށްފަ އެވެ.
https://twitter.com/Shifan4040/status/1801997155806175238
"ބީ ޒޯންގައި ރެޖިސްޓާކޮށްފައިވާ އުޅަނދަކާއި އޭ ޒޯންގައި ދުއްވުމާ އަދި އުޅަނދުގެ އަހަރީ ފީ ހަމަވެފަ ވާތީ ފިޔަވަޅު އަޅައި އެ އުޅަނދު ވަނީ ޓޯކޮށްފައި،" ފުލުހުން ބުންޏެވެ.
ސޯޝަލްމީޑިޔާގައި އާންމުވެފައިވާ ފޮޓޯތަކާއި ވީޑިއޯޓަކުން ފެންނަނީ ޕިކަޕެއްގެ ފަހަތުގައި ޓިނު ޖަހާ ވަށައިގެން ބަންދުކޮށްފައިވާ ތަނަކަށް ގިނަ އަދަދެއްގެ ބިދޭސީ މަސައްކަތްތެރިން އަރުވައިގެން ގެންދާ މަންޒަރެވެ.
އާންމުންގެ މީހަކު ކުރި ސުވާލަކާ ގުޅިގެން ފުލުހުންގެ ތަރުޖަމާނު ޗީފް ސްޕްރިންޓެންޑެންޓް އޮފް ޕޮލިސް އަޙްމަދު ޝިފާން "އެކްސް"ގައި ކުރެއްވި ޕޯސްޓެއްގައި ވިދާޅުވީ، އެއީ މަނާ ކަމެއް ކަމަށާއި އެފަދަ ކަންކަން ހުއްޓުވަން ފުލުހުން އިތުރަށް ސަމާލުކަން ދޭނެ ކަމަށެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.