ރައީސްގެ ސެކިއުރިޓީއަށް ދަތިވާ ގޮތަށް އަމަލުކުރި މީހެއްގެ ފޯނު ހިފަހައްޓައި ތަހުގީގު ފަށައިފި

ރައީސްގެ ސެކިއުރިޓީއަށް ދަތިވާގޮތަށް އަމަލުކުރި މީހެއްގެ ފޯނު ހިފަހައްޓައި ތަހުގީގު ފަށައިފިއެވެ.

ސިންގަޕޫރަށް ކުރެއްވި ދަތުރުގެ ތެރެއިން ރައީސް މުހައްމަދު މުއިއްޒުގެ ފޮޓޯ ނެގި ކަމަށް ބުނާ ދިވެހި މީހާ، ރާއްޖެ އައުމުން ފުލުހުން ވަނީ އޭނާގެ ފޯނު ހިފަހެއްޓުމަށް ފަހު އެ މައްސަލައިގެ ތަހުގީގު ކުރަން ފަށައިފައެވެ.

ރައީސުލްޖުމްހޫރިއްޔާ މުހައްމަދު މުއިއްޒާއި އެ މަނިކުފާނުގެ އާއިލާއާ މިދިޔަ ހަފްތާގައި ސިންގަޕޫރަށް ކުރެއްވި ދަތުރުފުޅުގެ ފޮޓޯ ތަކެއް ސޯޝަލްމީޑިޔާއަށް ވަނީ ދޫކޮށްލާފައެވެ. މި ފޮޓޯތަކުން ރައީސް އާއި ރައިސްގެ އަނބިކަނބަލުން މެޑަން ސާޖިދާ މުހައްމަދު އަދި ރައީސްގެ ދަރިކަނބަލުން ވެސް އަރިހުގައި ހުރިތަން ފެނެ އެވެ. އޭގެ އިތުރުން، ރައީސްގެ ތިން ބޮޑީގާޑުން ވެސް ހަރަކާތްތެރިވާތަން އެ ފޮޓޯއިން ފެނެ އެވެ.

 ފޮޓޯ ނެގި ކަމަށް ތުހުމަތުވާ މީހާގެ ފޯނު ފުލުހުން ހިފެހެއްޓީ ކޯޓު އަމުރެއްގެ ދަށުން ކަމަށްވެއެވެ. ފޯނު ހިފަހައްޓާފައި ވަނީ ރޭގެ ވަގުތެއްގައި ސިންގަޕޫރުން ރާއްޖެ އައިސް އެމ ވެލާނާ އިންޓަނޭޝަނަލް އެއާޕޯޓް(ވީއައިއޭ)ގައި ހުއްޓާކަމަށް މައުލޫމާތު ވަނީ ލިބިފައެވެ.

ފުލުހުންގެ މީޑިއާ އޮފިޝަލް ވިދާޅުވީ، ފޯނު ހިފަހައްޓާފައި ވަނީ ރައީސްގެ "ސެކިއުރިޓީ ކޮމްޕްރޮމައިޒްވާ ގޮތަށް އަމަލުކޮށްފައިވާ" މައްސަލައަކާ ގުޅިގެން ކަމަށެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރުމުންނެވެ.