ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ނިންމެވުމާ އެއްގޮތަށް މާލޭ ސެންޓަރ ފޯރ ހަޔަރ ސެކަންޑްރީ އެޑިއުކޭޝަން، (ސީއެޗްއެސްއީ) ގައި އަލުން ކިޔަވައިދޭން ފަށައިފިއެވެ.
މިދިޔަ ސަރުކާރުގައި ހުޅުމާލޭގައި ސީއެޗްއެސްއީގެ އައު އިމާރާތެއް އެޅުމަށްފަހު މާލޭގައި ހުރި ޒަމާންވީ، ސީއެޗްއެސްއީގެ އިމާރާތުގައި ކިޔަވައި ދިނުން ވަނީ ހުއްޓާލާފައެވެ. ސީއެޗްއެސްއީގެ ކިޔެވުން ހުޅުމާލެއަށް ބަދަލުކުރީ 2023 ވަނަ އަހަރުގެ މެދުތެރޭގައެވެ. އެހެން ނަމަވެސް މާލޭގައި ހުރި ސީއެޗްއެސްއީ ޢިމާރާތް އަލުން މަރާމާތު ކުރުމަށް ފަހު މިއަދު ވަނީ ކިޔަވައިދޭން ފަށާފައެވެ.
މާލޭގައި ހުރި ސީއެޗްއެސްއީ ޢިމާރާތް އަލުން މަރާމާތު ކުރުމަށް ފަހު މިއަދު ވަނީ ކިޔަވައިދޭން ފަށާފައެވެ.
ތަޢުލީމީ ވަޒީރު ޑރ. އިސްމާޢީލް ޝަފީއު ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ނިންމެވުމާ އެއްގޮތަށް މާލޭގައިި މަތީ ޘާނަވީއަށް ކިޔަވައިދިނުމަށް ސަރުކާރުގެ ސްކޫލެއް އަލުން ގާއިމުކޮށް ކިޔައިދޭނެް ފަށާފައިވާކަމަށެވެ. މި ސްކޫލު ވެގެންދާނީ ފުރަމާލޭގައިހުރި މަތީ ޘާނަވީއަށް ކިޔަވައިދޭ އެންމެ ފެންވަރު ރަނގަޅު، ހިތްފަސޭހަ އަދި ދަރިވަރުންނަށް އުފާވެރި އުގެނުމުގެ މާހައުލު ތަނަވަސްވެފައިވާ ސްކޫލަށްކަމަށް ތަޢުލީމީ ވަޒީރު ވިދާޅުވިއެވެ.
މި ބަދަލާއެކު، މަތީ ސާނަވީއަށް އުނގެނުމަށް، ފުރަމާލެ އާއި ހުޅުމާލެއާ ދެމެދު ދަތުރުކުރާ ދަރިވަރުންގެ އަދަދު މަދުވާނެކަމަށާއި، ގާތުން ތައުލީމު ފޯރުކޮށްދިނުމުގެ ސިޔާސަތު ތަންފީޒު ކުރެވި، ދަރިވަރުންނާއި ބެލެނިވެރިންނަށް ނުހަނު ބޮޑު ފަސޭހައަކަށް ވެގެންދާނެކަމަށްވެސް ވަޒީރު ވިދާޅުވިއެވެ.
މާލޭގައި ހުރި ސީއެޗްއެސްއީ ޢިމާރާތް އަލުން މަރާމާތު ކުރުމަށް ފަހު މިއަދު ވަނީ ކިޔަވައިދޭން ފަށާފައެވެ.
ތަޢުލީމީ ވުޒާރާއިން ވިދާޅުވެފައިވަނީ މާލޭގައިހުރި ސީއެޗްއެސްއީ ޢިމާރާތުގައި ކިޔަވައިދޭން ނިންމާފައިވަނީ އޯލެވެލް ނިންމާ ދަރިވަރުންގެ ޢަދަދު އިތުރުވަމުން އަންނާތީ، އޭލެވެލްއަށް ކިޔެވުމުގެ ފުރުޞަތު ވީހާވެސް ގިނަ ދަރިވަރުންނަށް ދިނުމަށްކަމަށެވެ. ސީއެޗްއެސްއީ ގެ ކުރީގެ އިމާރާތުގައި އަލުން އޭލެވަލް ކިޔަވައިދޭން ފެށިނަމަވެސް ހުޅުމާލޭގައި ހުންނަ ޢިމާރާތުގެ ކިޔަވައިދިނުމަށް އެއްވެސް ބަދަލެއް ނުގެންނާނެކަމަށް ތަޢުލީމީ ވުޒާރާއިން ވިދާޅުވެފައިވެއެވެ.
ސެންޓަރ ފޮރ ހަޔަރ ސެކަންޑްރީ އެޑިއުކޭޝަން، ސީއެޗްއެސްއީ އަކީ "ސައިންސް އެޑިއުކޭޝަން ސެންޓަރ"ގެ ނަމުގައި 3 ޖުލައި 1979 ގައި މަތީ ސާނަވީ ތަޢުލީމަށް ހާއްސަކޮށްގެން ރާއްޖޭގައި ހުޅުވި އެންމެ ދުވަސްވީ ސްކޫލެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.