ކޮންމެ މައްސަލައެއްގައި މުއްދަތު ޖަހާފައި ބަންދުގައި ބެހެއްޓުމުގެ ބަދަލުގައި ކަފާލާތުގެ ދަށުން މިނިވަން ކުރެވޭނެ ނިޒާމެއް ވަކި ގާނޫނަކާ އެކު ގެންނަން ޖެހޭ ކަމަށް ހުސްވެފައިވާ ޕްރޮސިކިއުޓަ ޖެނެރަލް (ޕީޖީ) ކަމުގެ މަގާމަށް އައްޔަންކުރުމަށް ރައްޔިތުންގެ މަޖިލިހުގެ ޖުޑިޝަރީ ކޮމިޓީން ފާސްކޮށްފައިވާ އައްބާސް ޝަރީފް ވިދާޅުވެއްޖެ އެވެ.
މިއަދު ބޭއްވުނު ޖުޑިޝަރީ ކޮމިޓީގެ ބައްދަލުވުމުގައި އައްބާސް ޝަރީފް ވިދާޅުވީ ޖިނާއީ އަދުލުގެ ނިޒާމަކީ ހަމައެކަނި ޕްރޮސިކިއުޓަ ޖެނެރަލް އޮފީސް އެކަނި ހިމެނޭ ނިޒާމެއް ނޫން ކަމަށެވެ. އޭގެ ބަދަލުގައި އެޓާނީ ޖެނެރަލާއި ތަހުގީގީ އިދާރާތަކާއި ކޯޓުތަކާ އަދި މަޖިލިސް ވެސް ހިމެނޭ ނިޒާމެއް ކަމަށް އޭނާ ފާހަގަކުރެއްވިއެވެ.
އައްބާސް ޝަރީފް އިތުރަށް ވިދާޅުވީ ޝަރީއަތް ނިމެންދެން ބަންދުގައި ތިބެން ޖެހޭ ޖެހުމަށް ހައްލު ހޯދުމަށްޓަކައި ގާނޫނު އަސާސީއަށް ވެސް ބަދަލު ގެންނަން ޖެހިދާނެ ކަމަށެވެ. އަދި މިހާރު ސަރުކާރުން އިޖުރާތު ގާނޫނަށް ހުށަހަޅުއްވާފައި އޮތް އިސްލާހުތަކުން ބަދަލުތައް ގެނެވުނީމާ ވެސް މި ކަމަށް ހައްލުތަކެއް ލިބިގެންދާނެ ކަމަށް އޭނާ ވިދާޅުވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.