ގއ ދެއްވަދޫ ކައުންސިލްހެ ބަޖެޓުން ހަރަދުކޮށްގެން އެރަށު ސްލްތާން މުހައްމަދު ސްކޫލުގެ ކްލާސްރޫމްތައް އޭސީކޮށްފިއެވެ.
ފުރަތަމަ ޓާމްގެ ކިޔެވުން ނިމި ސްކޫލް ހުޅުވެން ވާއިރަށް ކައުންސިލުގެ ވިސްނުމަކަށްވީ އޭސީ ނުކޮށްހުރި ކްލާސް ރޫމްތައް އޭސީ ކުރިން ކަމުގައި ކައުންސިލުން މައުލޫމާތުދީފައި ވެއެވެ.
ސްކޫލު ތަކުގެ ކްލާސްރޫމްތައް އޭސީ ކުރުމަކީ މިނިސްޓްރީގެ މެންޑޭޓު ތެރޭގައި ހިމެނޭ ކަމެކެވެ. އެހެންނަމަބެސް ބަޖެޓުގެ ދަތިކަމާއި ހެދި މުޅި ރާއްޖޭގައި އެއްފަހަރާ އެކަން ކުރެވޭ ގޮތްވަނީ ނުވެފައެވެ.
މިކަމާއި ގުޅިގެން ދެއްވަދޫ ކައުންސިލްގެ އޮފިޝަލަކު ވިދާޅުވީ ކައުންސިލް ހުރިހާވެސް ވިސްނުމަކަށް ވަނީ ރަށުގެ ކުރިއެރުމާއި، ތަރައްގީ ކަމަށެވެ. އަދި ސްކޫލަށް ގެންނަން ބޭނުންވާ ކުރިއެރުމުގައި ކައުންސިލްގެ ދައުރު އަބަދުވެސް އޮންނާނެ ކަމުގައެވެ.
“ ކައުންސިލްގެ ވިސްނުމަކީ ރަށުގެ ކުރިއެރުމާއި ތަރައްގީ. ސްކޫލަށް ގެންނަން ބޭނުންވާކުރިއެރުމުގައި ކައުންސިލްގެ ދައުރު އަބަދުވެސް އޮންނާނެ
ދެއްވަދޫ ސްކޫލުގެ ކްލާސްރޫމްތައް އޭސީ ކުރުމުގެ އިތުރުން އެރަށު ސްކޫލުގައި ކުދިން ކުޅެން ބޭނުން ކުރުމަށް މިނީ ފުޓްސަލް ޕިޗެއް ވެސް ވަނީ ކައުންސިލުން ގާއިމްކޮށްފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.