ދޫނިދޫ ޖަލުގައި ބަންދުގައި ހުރި މީހަކު ފުލުސް އޮފިސަރެއްގެ ނިއްކުރި ފަޅާލި މައްސަލާގައި 1 އަހަރަށް ޖަލަށްލުމަށް އިއްޔެ ކްރިމިނަލް ކޯޓުން ހުކުމްކޮށްފިއެވެ.
މި މައްސަލާގައި ހުކުމްކޮށްފައިވަނީ ފުވައްމުލަކު ސިޓީ، ކެލާގެ، އަހުމަދު ސޯލިހުގެ މައްޗަށެވެ. މި ހާދިސާ ހިނގާފައިވަނީ 2022 ވަނަ އަހަރުގެ ޖެނުއަރީ 21 ވަނަ ދުވަހުގެ މެންދުރުފަހު 2:40 ހާއިރު، ޕޮލިސް ސާޖަންޓް އަލީ އާދަމް މަސައްކަތު މީހަކާއެކު ސޯލިހު ހުރި ގޮޅި ސާފުކުރުމަށް ދިޔަ ވަގުތުއެވެ.
ހުކުމުގައި ބަޔާންކޮށްފައިވާ ގޮތުގައި، ސޯލިހު ގޮޅިން ނިކުމެ އެހެން ގޮޅިތަކުގެ ކުރިމައްޗަށް ގޮސް އަޑުގަދަކޮށް، ހަޑިހުތުރު ބަހުން މުއާމަލާތުކުރިއެވެ. އޭނާ ގޮޅިއަށް ވެއްދަން މަސައްކަތްކުރުމުން އިންކާރުކޮށް، ޖަލުގެ އިދާރީ ކަންކަން ބަލަހައްޓާ ތަނާ ދިމާއަށް ދިޔައެވެ. މިކަން ހުއްޓުވަން އުޅުނު އަލީ އާދަމްގެ ގައިގައި އަތުންނާއި ފައިން ތަޅައި މާރާމާރީ ހިންގިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.