ޓެކްސް އެޕީލް ޓްރައިިބިއުނަލްގެ ރައީސް ކަމުގެ މަގާމަށް ސްޕްރީމް ކޯޓުގެ ކުރީގެ ފަނޑިޔާރު ޢަބްދުލްޣަނީ މުޙައްމަދު މިއަދު އިންތިޚާބުކޮށްފިއެވެ.
ޓެކްސް އެޕީލް ޓްރައިިބިއުނަލްއިން ހުސްވެފައިވާ 4 މަގާމަށް 13 ބޭފުޅަކު ކުރިމަތިލެއްވިއެވެ. އޭގެތެރެއިން 4 ބޭފުޅަކަށް ރުހުން ދޭން ފެންނަ ކަމަށް މި މަހުގެ 24 ވަނަ ދުވަހު ރައްޔިތުންގެ މަޖިލީހުން ފާސްކުރުމާ ގުޅިގެން ރައީސް ޑރ. މުޙައްމަދު މުޢިއްޒު ވަނީ ޓެކްސް އެޕީލް ޓްރައިިބިއުނަލްގެ މެންބަރުކަމަށް އެ 4 ބޭފުޅުން އައްޔަން ކުރައްވާފައެވެ.
އެބޭފުޅުންނަކީ ޙަސަން ޒުހައިރު މުޙައްމަދާއި، އިބްރާހީމް ޝަރީފާއި، ޝިފްޒާ ޢަބްދުލްޤައްޔޫމާއި، ޢަބްދުލްޣަނީ މުޙައްމަދެވެ.
5 މެންބަރުންގެ މައްޗަށް އެކުލެވޭ ޓެކްސް އެޕީލް ޓްރައިބިއުނަލްގެ ރައީސާއި، ނައިބު ރައީސް އިންތިޚާބުކުރަނީ މެމްބަރުންގެ މެދުގައި ނަގާ ވޯޓަކުންނެވެ.
ޓްރައިބިއުނަލްގެ ރައީސްކަމަށް ކުރިމަތިލެއްވި ބޭފުޅުންގެ ތެރެއިން އެ މަގާމަށް އިންތިޚާބުވެވަޑައިގަތީ ޢަބްދުލްޣަނީއެވެ. ނައިބު ރައީސަކަށް އިންތިޚާބުވެވަޑައިގަތީ ޒުހައިރެވެ
ޓެކްސް އެޕީލް ޓްރައިިބިއުނަލްގެ 4 މަގާމެއް ހުސްވީ މަގާމުގެ ނުފޫޒުު ބޭނުންކޮށްގެން ވަކި ގޮތަކަށް މައްސަލަ ނިންމައި، ކޮރަޕްޝަންގެ އަމަލުތައް ހިންގިކަމުގެ ތުހުމަތުކުރެވޭތީ، 4 މެންބަރަކު ވަކިކުރަން ރައްޔިތުންގެ މަޖިލީހުން ރައީސުލްޖުމްހޫރިއްޔާއަށް ލަފާ އެރުވުމުން މިދިޔަ އޮގަސްޓުމަހު އެ މެންބަރުން ވަކިކުރެއްވުމުންނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.