ރާއްޖޭގައި އެންމެ ޒަމާނީ ވަސީލަތްތަކާއެކު ސިނަމާއެއް އަޅަން ނިންމާފައިވާ ކަމަށް ޒުވާނުން ބާރުވެރިކުރުމާއި، މަޢުލޫމާތާއި ފަންނާބެހޭ ވަޒީރު އިބްރާހިމް ވަހީދު (އަސްވާޑް) ވިދާޅުވެއްޖެއެވެ.
ދައުލަތުގެ މީޑިއާގެ ޕްރޮގްރާމެއްގައި ވާހަކަފުޅު ދައްކަވަމުން އަސްވާޑް ވިދާޅުވީ، ފިލްމު އަޅުވާނެ އެންމެ ތަނެއް ހުރުމަކީ ރާއްޖޭގެ ފިލްމު އިންޑަސްޓްރީއަށް އޮތް އެންމެ ބޮޑު އެއް ގޮންޖެހުން ކަމަށެވެ. މިހާރު ރަސްމީކޮށް ފިލްމު އަޅުވާ ތަނެއްގެ ގޮތުގައި ބޭނުންކުރަމުންދަނީ އޮލިމްޕަސް އެކަނި ކަމަށް ފާހަގަކުރެއްވިއެވެ.
"އޮލިމްޕަހަކީ ފިލްމު އެޅުވުމުގެ އިތުރުން ތަފާތު އެތައް ހަރަކާތްތަކެއް ކުރިއަށް ގެންދާ ތަނަކަށް ވާތީ ފިލްމު އިންޑަސްޓްރީއަށް ދިމާވެފައިވާ ދަތިތައް ހައްލުކުރުމަށް އިތުރު ސިނަމާއެއް ރާއްޖޭގައި ހުންނަން ޖެހޭ،" ވަޒީރު ވިދާޅުވިއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.