މޯލްޑިވްސް ސްޓޭޓް ޝިޕިންގ (އެމްއެސްއެސް) ގެ މުވައްޒަފުންނަށް ތަމްރީނު ހޯދުމުގެ ފަހުމުނާމާއެއްގައި ޤައުމީ ޝިޕިންގް ކުންފުނި، މޯލްޑިވްސް ސްޓޭޓް ޝިޕިންގް އާއި މެލޭޝިއާގެ މެރިޓައިމް އެކަޑަމީ އާއި ދެމެދު ސޮއިކޮށްފިއެވެ.
މި ފަހުމުނާމާގައި ސޮއިކޮށްފައިވަނީ މެލޭޝިއާގެ މެލަކާގައި ހުންނަ މެރިޓައިމް އެކަޑަމީގެ ކެމްޕަހުގައެވެ. އެމްއެސްއެސްގެ ފަރާތުން ސޮއިކުރެއްވީ، އެކުންފުނީގެ މެނޭޖިންގ ޑިރެކްޓަރ އަހުމަދު ޝަރީފެވެ. މެލޭޝިއާގެ މެރިޓައިމް އެކެޑެމީގެ ފަރާތުން ސޮއިކުރެއްވީ، އެއެކެޑަމީގެ ސީއީއޯ އެޑީ އަހުމަދު ކޮޑްޒާލީއެވެ.
މި ފަހުމުނާމާގެ ދަށުން އެމްއެސްއެސްގެ ކަލާސީން ސްކޮލަރޝިޕް ލިބޭ ދަރިވަރުންނަށް މެރިޓައިމް އެކަޑަމީގެ އެންމެ ޒަމާނީ ވަސީލަތްތައް ބޭނުންކޮށްގެން ތަމްރީނުތައް ހޯދުމުގެ ފުރުސަތު ފަހިވެގެންދާނެއެވެ. މީގެ ތެރޭގައި ސިމިއުލޭޝަން ޓެކްނޮލޮޖީއާއި އެފަންނުގެ ތަޖުރިބާކާރުންނާއެކު ތަމްރީންތައް ފުރިހަމަ ކުރުމާއި އެއެކެޑަމީގެ އުޅަނދުތަކުގައި ތަމްރީންތައް ފުރިހަމަކުރުމުގެ ފުރުސަތު ހިމެނެއެވެިމެނެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.