އެމްޑީޕީ ގައުމީ އިންތިހާބުގައި ތިނަދޫ އުތުރު ދާއިރާގެ ވޯޓްފޮށީގައި ހުރި އޮފިޝަލަކު ކޮވިޑް-19 އަށް ފައްސިވެއްޖެއެވެ.

މައުލޫމާތު ލިބިފައިވާ ގޮތުގައި ފައްސިވި އޮފިޝަލަށް ކޮވިޑް-19 އަށް ފައްސިވެފައިވާކަން އެނގިފައިވަނީ ވޯޓުލާ ނިމުނު ފަހުންނެވެ. ފައްސިވެފައިވާ މީހާ އަކީ ގދ.އަތޮޅު ތައުލީމީ މަރުކަރުގައި ހުރި ވޯޓު ފޮއްޓެއް ކައިރީގައި ހުރި އަންހެން އޮފިޝަލަކެވެ.‎ ކޮވިޑަށް ފައްސިވި އޮފިޝަލުގެ ކޮންޓެކް ޓްރޭސިންގ ހެދުމުގެ މަސައްކަތް ޑރ.އަބްދުއްސަމަދު ހޮސްޕިޓަލުން ދަނީ ކުރަމުންނެވެ.‎ އެންމެ ފަހުން ތިނަދޫއިން ކޮވިޑަށް މީހަކު ފައްސިވެފައިވަނީ މި މަހު 24 ވަނަ ދުވަހު އެވެ. ތިނަދޫއިން ޖުމްލަ 994 މީހަކު ކޮވިޑަށް ފައްސިވެފައިވާ އިރު މިވަގުތު އެކްޓިވް ކޭސްގެ އަދަދަކީ 04 އެވެ.