އިސްރާއީލުގެ ބޮޑުވަޒީރު ނަތަންޔާހޫއަށް ކެންސަރުޖެހި ސީރިއަސްވެ ކުއްލި ސާޖަރީއެއް ކުރުމަށް އެދުމަތިކޮށްފިއެވެ.
ބޭރުގެ މީޑިއާތަކުން ރިޕޯޓުކޮށްފައިވާ ގޮތުން ނަތަންޔާހޫ އަށް ކެންސަރު ޖެހިފައިވާ ކަން ކަށަވަރުވެފައިވަނީ މީގެ 2 ދުވަސްކުރިންނެވެ. އަދި މިހާރު ގުދުސްގައި ހުންނަ ހޮސްޕިޓަލެއްގައި ފަރުވާ ފުރިހަމަ ކުރަމުން އަންނަ ކަމަށް ވެސް މީޑިއާތަކުން ވަނީ ރިޕޯޓުކޮށްފައެވެ.
ހޭނައްތާފައި ކުރާ މި ސާޖަރީ ފަށާފައިވާ އިރު، މިކަން ފުރިހަމަ ކުރަން ދެ ގަޑިއިރު ނަގާނެ ކަމަށް ވެސް ރިޕޯޓުތައް ބުނެއެވެ.
އިސްރާއީލްގެ ބޮޑުވަޒީރުގެ އޮފީހުން ހާމަކުރި ގޮތުގައި މި ސާޖަރީ ހަދަން ޖެހުނީ ނަތަންޔާހޫގެ ކުޑަކަމުދާ ނިޒާމުގައި އިންފެކްޝަން ހެދޭތީއެވެ. މި މައްސަލަ ދިމާވަނީ ޕްރޮސްޓޭޓް މާ ބޮޑުވެ، ގެއްލުން ބޮޑުވެދާނެ ކަމަށް ލަފާ ކުރެވޭތީ ކަމަށް ވެސް އޮފީހުން ހާމަކުރެއެވެ.
އެހެންވެ، ނަތަންޔާހޫ ނިންމާފައި ވަނީ ޕްރޮސްޓޭޓް ނެގުމަށެވެ.
މީގެކުރިން، ނަތަންޔާހޫ ވަނީ ހާނިޔާ ސާޖަރީއެއް ފުރިހަމަކޮށްފައެވެ. އަދި ހިތަށް ޕޭސްމޭކާއެއް ވަނީ ލައްވައިފައެވެ.
ނަތަންޔާހޫ އެޑްމިޓް ކުރިއިރު، އޭނާއާ ދެކޮޅަށް އެ ގައުމުގެ ކޯޓެއްގައި ޝަރީއަތެއް ވެސް ދަނީ ހިނގަމުންނެވެ. އެގޮތުން އޭނާއާ ދެކޮޅަށް ރިޝްވަތާއި މަކަރާއި ހީލަތް ހެދުން ފަދަ ދައުވާތައް ވަނީ ކޮށްފައެވެ. އެ މައްސަލައިގެ އަޑުއެހުންތައް މިހާރު ވަނީ ފަސްކޮށްފައެވެ.
ޚިޔާލު (4)
ޙަމަ ރަގަނލެ
ޙަލާކު އަވަސް ކުރައްވާށި.!އާމީން.
ހޭނައްތާގޮތައް ދެން ހޭނާރަފިއްޔާ. ކިހާރަނގަޅު.
ނަތަންޔާހު.ދައްޖާލު.ހިތިގޮތަކަށް.ހަލާކުވެ ނެތިކުރައްވާފާދޭވެ އާމީން