މޯލްޑިވްސް ހައްޖު ކޯޕަރޭޝަނުން އިންތިޒާމްކުރި 2024 ވަނަ އަހަރުގެ ޑިސެންބަރު މަހުގެ އުމްރާ ދަތުރުގައި ރެކޯޑު އަދަދެއް ކަމަށްވާ 822 އުމްރާވެރިން ބައިވެރިވެފައިވާކަމަށާއި ގިނަ އަދަދަކަށް ކުޑަކުދިން ހިމެނޭކަމަށް މަޢުލޫމާތު ދީފިއެވެ. މިއީ މިހާތަނަށް އެ ކޯޕަރޭޝަނުން އިންތިޒާމްކުރި ދަތުރުތަކުގެ ތެރެއިން އެންމެ ގިނަ މީހުން ބައިވެރިވި ދަތުރެވެ.
މި ދަތުރުގައި ޚާއްޞަ ކަމެއްގެ ގޮތުގައި ފާހަގަކުރެވެނީ ވަރަށް ގިނަ އަދަދެއްގެ ކުޑަކުދިން އާއިލާތަކާއެކު ބައިވެރިވެފައިވުމެވެ. މިކަމަކީ ރައްޔިތުން ހައްޖު ކޯޕަރޭޝަނަށް ކުރާ އިތުބާރުގެ ހެއްކެއްކަމުގައި އެ ކޯޕަރޭޝަނުން ފާހަގަކޮށްފައިވެއެވެ.
ދަތުރުގައި ބައިވެރިވި ކުޑަކުދިންނަށް ޚާއްޞަކޮށްގެން މައްކާގެ އަލަބަލަދުއް ޠައްޔިބް އަޖްޔާދު ހޮޓަލުގައި ދީނީ މަޢުލޫމާތު ދިނުމުގެ ޚާއްޞަ ހަވީރެއް ބޭއްވުނެވެ. މީގެ އިތުރުން، ކޮންމެ އުމްރާވެރިއަކަށް 3 އުމްރާ ކުރުމުގެ ފުރުޞަތު ލިބުނެވެ. އަދި ތާއިފްއަށް ޒިޔާރަތް ކުރުމުގެ ދަތުރާއި ޖިއްދާ ވިޔަފާރި ދަތުރު ވެސް ހިމެނުނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.