ތ. ވިލުފުށީގައި އަސާސީ ހިދުމަތްތައް ތަރައްޤީކުރުމާ ގުޅޭގޮތުން މަޝްވަރާކޮށްފިއެވެ.
މި މަޝްވަރާތައް ކުރިއަށް ގެންގޮސްފައިވަނީ، މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވަޒީރު، އަލީ ޝަރީފް، އެ ރަށުގެ ކައުންސިލްގެ މެންބަރުންނާ އެކު ބެއްވި ބައްދަލުވުމެއްގައެވެ.
ބައްދަލުވުމުގެ އަދާހަމަ ހާމަކުރައްވާ ވުޒާރާއިން އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ، ބައްދަލުވުމުގެ މައިގަނޑު މަގްސަދަކީ ވިލުފުށީގެ ފެނާއި ނަރުދަމާގެ ނިޒާމާއި، އެ ރަށުގެ ހަކަތައިގެ ހިދުމަތްތައް އިތުރަށް ހަރުދަނާކޮށް، ތަރައްގީކުރުމަށް ކުރެވެން ހުރި މަސައްކަތްތަކާ ގުޅޭގޮތުން މަޝްވަރާ ކުރުން ކަމަށެވެ.
މި ބައްދަލުވުމުގައި ވަޒީރު އަލީ ޝަރީފް ވަނީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރަށްރަށުގެ އަސާސީ ހިދުމަތްތައް ފުރިހަމަކުރުމަށް ދެއްވާ ހާއްސަ ސަމާލުކަން ފާހަގަކުރައްވާފައެވެ.
އެގޮތުން ވިލުފުށީގެ ރައްޔިތުންނަށް ދިމާވެފައިވާ ތިމާވެއްޓާއި ހަކަތައާ ގުޅުންހުރި ދަތިތައް ހައްލުކޮށްދެއްވުމަށް އެ ވުޒާރާއިން ފުރިހަމަ އެއްބާރުލުން ދެއްވާނެކަމުގެ ޔަގީންކަން ވަޒީރު ދެއްވިއެވެ.
މި ބައްދަލުވުމުގައި ވިލުފުށީ ކައުންސިލްގެ ފަރާތުން، ރަށުގެ ފެނާއި ނަރުދަމާގެ ނިޒާމަށް ދިމާވެފައިވާ ގޮންޖެހުންތައް ވުޒާރާއާ ހިއްސާކުރައްވާފަެި ވެއެވެ.
ރަށުގެ ކަރަންޓުގެ ނިޒާމު އިތުރަށް ހަރުދަނާކުރުމަށާއި، ތިމާވެއްޓާ ރައްޓެހި އިއާދަކުރަނިވި ހަކަތަ ބޭނުންކުރެވޭނެ ވަސީލަތްތައް ޤާއިމުކުރުމާ ބެހޭގޮތުން ވެސް ދެ ފަރާތުގެ މެދުގައި ފުންކޮށް ވާހަކަދެކެވުނެވެ.
ބައްދަލުވުން ނިންމާލި، ވިލުފުށީގެ މުހިއްމު އުމްރާނީ ވަސީލަތްތައް ތަރައްޤީކުރުމަށްޓަކައި، މިނިސްޓްރީއާއި ކައުންސިލް ގުޅިގެން މަސައްކަތްކުރުމަށް އެއްބަސްވަމުން ކަމަށް ވުޒާރާއިން ވިދާޅުވެފައިވެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.