ކާރަކާއި ޕިކަޕެއް ޖެހި އިތުރު އެކްސިޑެންޓެއް ހިނގައިފިއެވެ. މި އެކްސިޑެންޓް ހިނގައިފައިވަނީ މާލޭ އަމީނީމަހު ރެހެންދި ފްލެޓް ކައިރިން ކާރެއް ޔޫ ޓާން ނަގަން އުޅުމުގެ ތެރޭގައި ކަމަށް ފުލުހުން 'ހުވަދު' މީޑިއާ އަށް ކަށަވަރުކޮށްދީފައިވެއެވެ.
މި މައްސަލަ ފުލުހުންނަށް ރިޕޯޓު ކޮށްފައިވަނީ މިއަދު ހެނދުނު 09:40 އެހައިކަންހާއިރުއެވެ.
މި އެކްސިޑެންޓްގައި އެއްވެސް މީހަކަށް އަނިޔާ ވެފައެއް ނުވެއެވެ. އެހެންނަމަވެސް އެކްސިޑެންޓްވި ދެ އުޅަނދައް އެކި ވަރުގެ ގެއްލުން ލިބިފައިވެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
މިއީ ކާރަކާއި ޕިކަޕެއް ޖެހި މާލޭގައި މިއަދު ހިނގި 2 ވަނަ އެކްސިޑެންޓެވެ. މިއަދު ހެނދުނުގެ ވަގުތެއްގައި ވެލާނާ އިންޓާނޭޝަނަލް އެއަރޕޯޓުގައި ކާރަކާއި ޕިކަޕެއް ޖެހި އެކްސިޑެންޓެއް ހިނގައިފައިވެއެވެ.
މި އެކްސިޑެންޓްގައި ކާރު ދުއްވަން އިން މީހާ އަށް އަނިޔާ ވެގެން ފަރުވާ ދިނުމަށް ވަނީ ހޮސްޕިޓަލަށް ގެންގޮސްފައި ކަމަށް ފުލުހުން މައުލޫމާތު ދިނެވެ. އޭގެ އިތުރުން ކާރު ފަހަތުގައި އިން މީހާއަށް އަނިޔާވެގެން އެއަރޕޯޓު ކްލިނިކުގައި ވަނީ ފަރުވާދީފައެވެ. ކާރު ފަހަތުގައި އިން މީހާއަށް ސީރިއަސް އަނިޔާއެއް ވެފައި ނުވާކަމަށް ފުލުހުން ވިދާޅުވިއެވެ.
ފުލުހުން ދަނީ މިވަގުތު އެ އެކްސިޑެންޓް ހިނގި ސީންގައި ހަރަކާތްތެރި ވަމުނެނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.