މާލޭ މާފަންނު ގެއަކުން މަރުވެފައި އޮތް މީހަކު ފެނިއްޖެއެވެ. މަރުވެފައި އޮތް މި މީހާ ފެނިފައި ވަނީ މާފަންނު ތަރިވިލާ ނަމަކަށް ކިޔާ ގެއަކުންނެވެ.
މަރުވެފައި އޮއްވާ ފެނިފައި ވަނީ މާފަންނު ތަރިވިލާގޭ އުމުރުން 41 އަހަރުގެ ހުސައިން އަހުމަދެވެ.
އެނގިފައިވާ ގޮތުގައި މީހާ ފެނުނުއިރު އޮތީ ހަށިގަނޑު ހަރުވެފައި ކަމަށާއި ގައިގެ ތަންތަން ކޮންމެވެސް ވަރަކަށް ނޫފައިގެންފައިވާ ކަހަލަ ނިޝާންތަކެއް ފެންނަން ހުރި ކަމަށް ވެއެވެ. އެސަރަހައްދުން ހުވަދޫމީޑިއާ އަށް މައުލޫމާތު ދިން މީހަކު ބުނީ މަރުވެފައި އޮއްވާ ފެނުނީ މަސްތުވާތަކެތި ބޭނުން ކުރާ، އެކިކުށުގެ ރެކޯޑުވެސް އޮންނަ މީހެއް ކަމަށެވެ.
އަދި އެމީހާގެ ހަށިގަނޑު ފެނުނު ގެއަކީ މަސްތުވާތަކެތީގެ މައްސަލަތައް ގިނައިން ދިމާވާ ގެއެއްކަމަށާއި ބޮޑަށް ލަފާ ކުރެވެނީ އޯވަރޑޯޒްފަދަ މަސްތާ ގުޅުން ހުރި ކަމެއްކަމަށްވެސް އެސަހަރައްދުގައި ދިރިއުޅޭ މީހަކު ވަނީ ބުނެފައެވެ. އެހެންނަމަވެސް ހުސެން އަހުމަދު މަރުވެފައި ވަނީ ސީދާ މިވެނި ގޮތަކަށް ކަމަށް ނުވަތަ މިވެނި ގޮތެއް ވެގެން ކަމެއް ފުލުހުންގެ ފަރާތުން އެނގިފަައެއް ނުވެއެވެ.
މަރުވެފައި އޮއްވާ ފެނުނު ހުސައިން އަހުމަދު
މި މައްސަލައާ ގުޅޭ ގޮތުން ފުލުހުން މައުލޫމާތު ދެމުން ބުނީ، މަރުވެފައިވާ މީހަކު އައި.ޖީ.އެމް ހޮސްޕިޓަލަށް ގެންގޮސްފައިވާ ކަމުގެ މަޢުލޫމާތު މިއަދު ހެނދުނު 09:53 ގައި ފުލުހުންނަށް ލިބިފައިވާ ކަމަށެވެ..
މަރުވެފައިވަނީ މާލޭ، އެމް. ތަރިވިލާގޭ، ޙުސައިން އަޙްމަދު (41 އަހަރު) ކަމަށާއި މަރުވެފައިވާ މީހާގެ ޕޯސްޓްމޯޓަމް ހެދުމަށް ހަމަޖެހިފައިވާ ކަމަށްވެސް ފުލުހުން ވަނީ ހާމަކޮށްފައެވެ.
ހުވަދޫމީޑިއާއަށް މައުލޫމާތު ލިބިފައިވާ ގޮތުގައި ހުސައިން އަހުމަދުގެ ހަށިގަނޑު މިވަގުތު ވީ މޯޗަަރީ ގައެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.