އައްޑޫސިޓީ، ހިތަދޫ އާރިކިޅި ތެރެއިން މަރުވެފައި އޮތް މީހަކު ފެނިއްޖެ

އައްޑޫ ސިޓީ ހިތަދޫ، އާރިކިޅި ތެރެއިން މަރުވެފައި އޮތް މީހަކު ފެނިއްޖެއެވެެ.

ފުލުހުން މީޑިއާތަކަށް މައުލޫމާތު ދެމުން ބުނީ އައްޑޫސިޓީ ހިތަދޫ އާރަކިޅި ތެރޭގައި ހަބަރު ހުސްވެފައިވާ މީހަކު އޮތް ކަމުގެ ރިޕޯޓް މިއަދު ހެނދުނު 9:33 ހާއިރު ލިބިފައިވާ ކަމަށެވެ. ރިޕޯޓު ލިބުމާއެކު ފުލުހުން އެސަރަހައްދަށް ދިޔަ ކަމަށާއި އާރަކިޅި ތެރޭގައި އޮތް މީހާ ނަގައިގެން އައްޑޫ އިކުއެޓޯރިއަލް ހޮސްޕިޓަލަށް ގެންދެވުނު ކަމަށް ފުލުހުން ވަނީ ބުނެފައެވެ.

ފުލުހުން ހޮސްޕިޓަލާ ހަވާލާ ދީ ބުނީ ހޮސްޕިޓަލަށް ގެންދިޔަ އިރުވެސް އެމީހާ މަރުވެފައިވާ ކަމަށެވެ.

އައްޑޫ ސިޓީ ހިތަދޫ، އާރިކިޅި ތެރެއިން މަރުވެފައި އޮތް މީހަކު ފެނުން/ ފޮޓޯ: އާރްބީއެން. ހުވަދޫމީޑިއާ

އާރަކިޅި ތެރެއިން ފެނުނު މީހާއަކީ ބިދޭސީ ފިރިހެނެއް ކަމަށް ފުލުހުން ވަނީ ޔަގީންކޮށް ދީފައެވެ.

ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.