އދ.ގެ އަންހެނުންގެ ކޮމިޝަނަށް ފުރަތަމަ ފަހަރަށް ރާއްޖެ އިންތިޚާބު ވުމަކީ ލިބުނު ފަޚުރެއް: ރައީސް

އދ.ގެ ކޮމިޝަން އޮން ދަ ސްޓޭޓަސް އޮފް ވިމެންއަށް ދިވެހިރާއްޖެ ފުރަތަމަ ފަހަރަށް އިންތިޚާބުވުމަކީ ލިބުނު ފަޚުރެއްކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އަދި އަންހެނުންގެ ކުރިއެރުމާއި ޙައްޤުތައް ޙިމާޔަތްކުރުމަށް ކުރެވޭ މަސައްކަތުގައި އަބަދުވެސް ގުޅިގެން މަސައްކަތްކުރުމަށް، ދިވެހިރާއްޖެއިން އޮންނާނީ ތައްޔާރަށްކަމަށްވެސް އެމަނިކުފާނު ވިދާޅުވިއެވެ.

އދ.ގެ އަންހެނުންގެ ތަރައްޤީއަށް މަސައްކަތްކުރާ "ޔޫއެން ވިމެން" އަކީ އަންހެނުންގެ ޙައްޤުގައި މަސައްކަތްކުރާ ބައިނަލްއަޤުވާމީ އެންމެ ބޮޑު އެއް ޖަމްޢިއްޔާއެވެ. މި ޖަމްޢިއްޔާގެ މެމްބަރުކަން ރާއްޖެއަށް ލިބިފައިވަނީ 2026 އިން 2030 އަށެވެ. މިއީ ރާއްޖެ މި ޖަމްޢިއްޔާގެ މެމްބަރަކަށް އިންތިޚާބުވި ފުރަތަމަ ފަހަރެވެ.

"އަންހެނުންގެ ޙައްޤުތައް ކަށަވަރުކުރުމަށާއި އަންހެނުންގެ ކުރިއެރުމަށް ކުރެވޭ ކޮންމެ ކަމެއްގައިވެސް ރާއްޖެއިން އަބަދުވެސް އޮންނާނީ ތައްޔާރަށް," ރައީސް މުޢިއްޒު ވިދާޅުވިއެވެ.

https://twitter.com/MMuizzu/status/1908175362476921165?ref_src=twsrc%5Etfw%7Ctwcamp%5Etweetembed%7Ctwterm%5E1908175362476921165%7Ctwgr%5E204df5316227082b6286c8665299af92ddfc85a8%7Ctwcon%5Es1_&ref_url=https%3A%2F%2Fpsmnews.mv%2F155294

ރައީސް މުޢިއްޒު އިތުރަށް ފާހަގަކުރެއްވި ގޮތުގައި، ވޭތުވެދިޔަ ތަނުގައި އަންހެނުން ބާރުވެރިކުރުވުމަށް ރާއްޖެއިން ވަނީ ޤައުމީ އަދި ބައިނަލްއަޤުވާމީ ފެންވަރުގައި ފާހަގަކޮށްލެވޭ މަސައްކަތްތަކެއް ކޮށްފައެވެ.

އދ.ގެ މެމްބަރު 193 ޤައުމުގައި އަންހެނުންގެ ޙައްޤުތައް ކަށަވަރުކުރުމަށް މަސައްކަތްކުރާ މި ޖަމްޢިއްޔާގެ މެމްބަރުކަން ލިބުމާއެކު، ރައީސް މުޢިއްޒު ވަނީ އެހެން މެމްބަރު ޤައުމުތަކަށްވެސް މަރުޙަބާ ދަންނަވާފައެވެ. އަދި ކުރިއަށް އޮތް ދުވަސްތަކަކީ ހުރިހާ މެމްބަރު ޤައުމުތަކާއެކު ޖަމްޢިއްޔާގެ ކުރިއެރުމަށް މުހިންމު މަސައްކަތްތަކެއް ކުރެވޭނެ ދުވަސްތަކަކަށް ވާނެކަމުގެ އުންމީދު ފާޅުކުރައްވާފައިވެއެވެ.