މާލޭގެ މަގެއްގެ މަތީ ގަވާއިދާ ޚިލާފަށް ޕާކުކޮށްފައި އޮތް ވެހިކަލެއް އޭގެ ވެރިފަރާތް ކައިރީގައި އާދޭސް ކޮށްކޮށް ހުއްޓާ ފުލުހުން ޓޯވ ކޮށްގެން ގެންގޮސްފިއެވެ. ކާރު ޓޯވ ކޮށްގެން ގެންދަނިކޮށް ވީޑިއޯކޮށް މީހަކު ކޮށްފައިވާ ޓުވީޓެއްގައި ބުނެފައިވަނީ، ސަރުކާރު ހިންގަން އޮތް ހަމައެކަނި މަގަކީ ރައްޔިތުން ފެލައިގެން ކަމުގައިވުމުން ދެން ޖޫރިމަނާ ގިނަވާ ކަމަށާއި، ކާރުގެ ވެރިފަރާތް ކުރިމަތީ ހުރެ އާދޭސް ކޮށްކޮށް ހުއްޓާ ކާރު ޓޯވކޮށްގެން ގެންދަނީ ކަމަށެވެ. https://twitter.com/dhivesseh5/status/1448526165921054722

"ރައީސް ސޯލިހުއަށް ވެރިކަން ކުރަން ނޭނގެންޏާ ދެން އިސްތިއުފާ ދޭންވީނޫންތޯ؟." އެފަރާތުން ކުރެއްވި ޓުވީޓުގައި ބުނެފައިވެއެވެ.

މިސަރުކާރު ވެރިކަމަށް އަންނަން ވެގެން ކެމްޕެއިން ކުރި ދުވަސްވަރު ރައީސް ސޯލިހު ވިދާޅުވެފައިވަނީ ޕާކުކުރާނެ ޖާގަ ހަމަޖައްސައި ނުދީ އެމްޑީޕީ ވެރިކަމެއްގައި ޕާކިންގ ޖޫރިމަނާ ނުކުރާނެ ކަމަށެވެ. ނަމަވެސް ވެރިކަމަށް އައިސް ޖޫރިމަނާ ކުރަމުންދާ ގޮތް ވެގެންދިޔައީ ގިނަ ކަމަށް ގިނަ ބަޔަކު ދަނީ ތުހުމަތު ކުރަމުންނެވެ.