ފުރާޅެއްގެ މައްޗަށް ވެއްޓިފައި އޮއްވާ ފެނުނު ހައްވާ ޔުމްނު ރަޝީދުއަށް އިންސާފު ހޯދަން ގޮވާލައި ކުރަމުންދާ ސިލްސިލާ މުޒާހަރާ ތެރެއިން ރޭ ހައްޔަރު ކުރި ދެ ޒުވާނުން ދޫކޮށްލުމަށް، ސަރުކާރު ހިންގާ ޕާޓީ، ޕީއެންސީ ޕާލަމެންޓްރީ ގްރޫޕުގެ ހިތަދޫ މެދު ދާއިރާގެ މެމްބަރު އަހުމަދު އަޒާން ގޮވާލައްވައިފިއެވެ.
އަޒާން އެކްސްގައި ކުރި ޕޯސްޓެއްގައި ވިދާޅުވީ ފާއިތުވި ވެރިކަމުގައި ވެސް ސުލްޙަވެރި އިހުތިޖާޖުތައް ހުއްޓުވަން ފުލުހުން ހާލަތާއި ނުބައްދަލު ބާރު ބޭނުންކޮށް އެ އިހުތިޖާޖުތައް ހުއްޓުވި ކަމަށާއި، މިއަދުގެ ސަރުކާރުން ވެރިކަމަށް އައީ އެކަން ބަދަލުކުރަން ވައުދުވަމުން ކަމަށެވެ.
ނަމަވެސް ފެނިގެންމިދަނީ ފުލުހުން ނިކުމެ ހަރުކަށި ކަމާއެކު ސުލްހަވެރި އިހުތިޖާޖުތަކަށް ހުރަސް އަޅަމުން ގެންދާތަން ކަމަށާއި، މިއީ ކަންބޮޑުވާ ކަމެއް ކަމަށް އަޒާން ވަނީ ވިދާޅުވެފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.