މާލޭ ވޯޓަރ އެންޑް ސެވަރޭޖް ކޮމްޕެނީ (އެމް.ޑަބްލިޔު.އެސް.ސީ) އިން ކަސްޓަމަރުންނަށް އައު ހޮޓްލައިން ނަމްބަރެއް ތަޢާރަފްކޮފިއެވެ.
ކަސްޓަމަރުންނަށް ދެމުންގެންދާ ޚިދުމަތްތަކުގެ ފެންވަރު ރަނގަޅުކޮށް، ކަސްޓަމަރުންނާއި ވީހާވެސް ގާތުން ލުއިފަސޭހަކަމާއެކު ޚިދުމަތް ފޯރުކޮށްދިނުމުގެ ގޮތުން ކަސްޓަމަރ ކެއަރގެ އައު ހޮޓްލައިން ނަންބަރެއްގެ ގޮތުގައި ތަޢާރަފްކޮށްފައިވަނީ 1575 އެވެ.
މި ބަދަލާއެކު އެ ކުންފުނިން ކުރިން ބޭނުންކުރަމުން އައި ހޮޓްލައިން ނަންބަރު 105 ދެން ޚާއްޞަ ވެގެންދާނީ ކުންފުނީގެ އެމަޖެންސީ ހޮޓްލައިން ނަންބަރުގެ ގޮތުގައި ކަމަށާ އަދި އަލަށް ތަޢާރަފް ކުރެވުނު ނަންބަރު ކަސްޓަމަރުންނަށް ފަސޭހަކަމާއެކު ދެނެގަތުމުގެ ފުރުޞަތު ފަހިކޮށްދިނުމަށްޓަކައި، ކުންފުނީގެ ފަރާތުން ކަސްޓަމަރުންނަށް ކުރާ ފޯނު ކޯލްތަކުގައި ސްކްރީނުން ފެންނަން ހުންނާނީ 1575 ކަމަށް އެމްޑަބްލިޔުއެސްސީ އިން މަޢުލޫމާތު ދީފައިވެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.