ތިނަދޫ ސިޓީގައި ހިންގާ ތިބިޔާން ޕްރީސްކޫލުން 2026 ވަނަ ދިރާސީ އަހަރަށް އެޑްމިޝަން ހުޅުވާލަފިއެވެ. ސްކޫލުގައި އެޑްމިޝަން ހުޅުވާލާފައިވާ އެހެން ލެވަލްތަކަކީ ބޭބީ ކްލަބް(ބޭބީ ނާސަރީ) ،ނާސަރީ، އެލްކޭޖީ އަދި ޔޫކޭޖީއެވެ.
2018 ވަނަ އަހަރުން ފެށިގެން ޕްރީސްކޫލް ޚިދުމަތް ދެމުން އަންނަ މި ސްކޫލުގައި މިއަހަރު ޕްލޭ ސްކޫލް ތަޢާރަފްކޮށް ޕްލޭސްކޫލަށް 18 މަހުން ފެށިގެން ބައިވެރިވެވޭނެއެވެ. ޕްލޭސްކޫލަކީ ޕްލޭބޭސް ކްލާސްތަކެކެވެ.
ސްކޫލުގައި އެކި ލެވަލްތަކުގައި ތަފާތު 6 މާއްދާއެއް ކިޔަވައި ދެއެވެ. އެއީ ޤުރުއާން، އަރަބި ބަސް،އިސްލާމް، އިގިރޭސި، ހިސާބު، ސެޓް (ސައިންސް، އެންވެޔަރމަންޓް، ޓެކްނޮލޮޖީ ގެ އެކި ބައިތައް ހިމަނައިގެން އުފައްދާފައިވާ މާއްދާއެއް) އަދި ކުޅިވަރު ގަޑިތަކާއި،
ޤުރުއާން މައްދާގައި ވޮށުފިލާއެޅުމާއި ހިފްޒުކުރުން ހިމެނެއެވެ.
ތިބިޔާން ސްކޫލުން ދަސްވެނިވެ ނިންމާ ހުރިހާ ކުދިންނަކީ އަބަދުވެސް ޤުރުއާން ރަނގަޅަށް ކިޔަން އެގޭ ކުދިންނަށް ހެދުމަކީ ފެށުނީއްސުރެ ދަމަހައްޓަން ވަރަށް ބޮޑަށް މަސައްކަތް ކުރާ ކަމެއް ކަމަަށާއި، އަދި ބޭނުންވާ އެކި މުހިންމު ދުޢާތައް ދަސްކޯށްދެމުން ގެންދެވޭނެއެވެ.
ސްކޫލަކީ ޖާގައިގެ ގޮތުން ތަނަވަސް ، އުމުރުފުރާގެ ކުދިންނަށް އުފާލާއެކު މަޖާ މާހައުލެއްގައި ހަރަކާތްތެރި ވެވޭނެ ސުކޫލެކެވެ.
ސްކޫލުގެ އެކްޓިވިޓީ ކަލަންޑަރުގައި ގިނަ ހަރަކާތްތައް ރޭވިފައިވާއިރު، އޭގެ ތެރޭގައި އަދަބީ ހަފްތާ، އިންގްލިޝް ވީކް، އެކި ވަޒީފާތައް ދަސްކޮށް ދިނުމަށް ބޭއްވޭ ހަރަކާތް، ކޮމިއުނިޓީ ޑޭ، ބޭބީ ކުދިންގެ ބީޗް ޑޭ، ޤުރުއާން މުބާރާތް އަދި ސްޕޯރޓްސް މީޓް ހިމެނެއެވެ.
ސްކޫލުގައި ކިޔަވައި ދިނުމުގައި އިސްކޮށް ތިއްބަވާނީ އާރލީ ޗައިލްޑްހޫޑް ދާއިރާއިން މަތީ ތަޢުލީމް ހާސިލްކޮށްފައިވާ ދާއިރާގެ ގިނަދުވަހު މަސްކަތްކޮށްފައިވާ ތަޖުރިބާކާރު މުދައްރިސުންތަކެކެވެ.
ތިބިޔާން ސްކޫލާއި ބެހޭ މަޢްލޫމާތު ސްކޫލް ވެބްސައިޓް އަދި ސްކޫލުގެ ސޯޝަލް މީޑިއާ ހެންޑުލް ތަކުން ލިބޭނެއެވެ. އަދި ސްކޫލުގެ އިތުރުމައުލޫމާތު ހޯދުމަށް ފޯންނަންބަރު 7259090 ގުޅުއްވޭނެއެވެ.
