ތިނަދޫ ސިޓީގެ އިންތިޚާބީ ފުރަތަމަ މޭޔަރު ކަމަށް ސަރުކާރު ހިންގާ ޕާޓީ ޕީއެންސީ ގެ ފަރާތުން ވާދަކުރައްވާ ކެނޑިޑޭޓް މުޚައްމަދު އަޖީބުގެ ކެމްޕެއިން ވަރަށް ފޯރިއާއި އެކު ފަށައިފިއެވެ.
މީގެ 2 ދުވަސް ކުރިން ތިނަދޫ ސިޓީގައި ފެށި ކެމްޕއެިންގައި ދާއިރާ ތަކަށް ވާދަ ކުރާ ޕީއެންސީގެ ކެނޑިޑޭޓުން ބައިވެރިވެއެވެ. މިކެމްޕެއިންނާ ގުޅިގެން "ހުވަދޫ މީޑިއާ" އަށް މައުލޫމާތު ދެމުން ޕީއެންސީ ތިނަދޫ އޮފިޝަލަކު ބުނީ މިހާރު ކުރިއަށްދާ ޑޯޓުޑޯ އަކީ ކެމްޕއިން ރަސްމީކޮށް ފެށުމުގެ ކުރިން އެކި ދާއިރާ ތަކުގެ ގޭގެޔަށް ޒިޔާރަތްކޮށް މީހުންނާ ބައްދަލުކޮށް، ޚިޔާލާ މަޝްވަރާ ހޯދުމުގެ ގޮތުން ކުރިޔަށްދާ ޙަރަކާތެއް ކަމަށެވެ. އެގޮތުން 6 އަވަށުގެ ގެތަކަށް ވަކިވަކިން ކެނޑިޑޭޓުން ޒިޔާރަތް ކުރުމަށް ވަނީ ހަމަޖެހިފައި ކަމަށް އޮފިޝަލް ބުންޏެވެ .
އިތުރަށް މައުލޫމާތު ދިން ގޮތުގައި މިހާތަނަށް ކުރި ޒިޔާރަތުން ސާފުވީ ކުރިޔަށް އޮތް އިންތިޚާބު ވެގެންދާނީ ވަރަށް ބޮޑު ތަފާތަކުން ފަސޭހަ ކަމާއެކު މޭޔަރުގެ އިތުރުން ޕީއެންސީއިން ވާދަކުރާ ހުރިހާ ކެންމޑިޑޭޓުންނަށް ކާމިޔާބު ކުރެވޭނެ އިންތިޚާބެއްކަމުގައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.