މި ގަރުނުގައި ފުރަތަމަ ފަހަރަށް ދުނިޔޭގެ ބޮޑު މުބާރާތެއްގައި ވާދަކުރަމުން އަންނަ ނޯވޭ އާއި އިރާގު ބައްދަލުކުރި ފޯރިގަދަ މެޗު، 4-1 ގެ ނަތީޖާއަކުން ނޯވޭ ކާމިޔާބުކޮށްފިއެވެ. ފީފާގެ ރިޕޯޓްތައް ބުނާގޮތުން، މި މެޗުގައި ނޯވޭގެ ތަރި އާލިން ހާލަންޑް ވަނީ ދެ ލަނޑު ޖަހައި ޓީމުގެ މޮޅުގައި މުހިންމު ދައުރެއް އަދާކޮށްފައެވެ.
މެޗުގެ ފުރަތަމަ ލަނޑު ޖަހައި ކުރިހޯދީ ނޯވޭއިންނެވެ. މެޗުގެ 29 ވަނަ މިނެޓުގައި މި ލަނޑު ކާމިޔާބުކޮށްދިނީ ހާލަންޑެވެ. މިއީ އެ ޓީމުގެ ގޯލްކީޕަރު އޮރްޔަން ނީލަންޑް ފެށި، 14 ޕާހަށްފަހު ޑޭވިޑް މޮލާ ވޯލްފް ނަގައިދިން ހުރަހަކުން ހާލަންޑް ކާމިޔާބުކުރި ގޯލެކެވެ.
ނަމަވެސް، މެޗުގެ 39 ވަނަ މިނެޓުގައި އިރާގުގެ ތަޖުރިބާކާރު ފޯވާޑް އައިމަން ހުސައިން ވަނީ ބޮލުން ފޮނުވާލި ހަމަލާއަކުން ނަތީޖާ އެއްވަރުކޮށްފައެވެ. މިއީ ވޯލްޑް ކަޕް ތާރީޚުގައި އިރާގު ކުޅުންތެރިއަކު ކާމިޔާބުކުރި ދެވަނަ ލަނޑެވެ. އިރާގުން ނަތީޖާ އެއްވަރުކުރިތާ ހަތަރު މިނެޓު ފަހުން، އިރާގުގެ ޑިފެންޑަރުންނަށް ހެދުނު ގޯހެއްގެ ފައިދާ ނަގައި ހާލަންޑް ވަނީ ނޯވޭއަށް އަލުން ކުރިހޯދައިދީފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.