ކޮންސްޓްރަކްޝަން މަސައްކަތް ކުރަމުން ދިޔަ ބިދޭސީއަކު ވެއްޓި ލިބުނު އަނިޔާގެ ސަބަބުން މަރުވެއްޖެއެވެ.
ކ. ތިލަފުށީގައި ކޮންސްޓްރަކްޝަން މަސައްކަތުގައި އުޅުނު ބިދޭސީ މީހާ ވެއްޓި ޒަޚަމްވުމުން އައި.ޖީއެމް.އެޗް ހޮސްޕިޓަލަށް ގެންދެވުނެވެ.
އެހެންނަމަވެސް ހޮސްޕިޓަލުން ބުނެފައިވަނީ މިއަދު ހެދުނު 9:53 ކަންހާއިރު ބިދޭސީމީހާ ހޮސްޕިޓަލަށް ގެނެވުނުއިރު މަރުވެފައިވާ ކަމަށެވެ. އަދި އެމީހާ މަރުވެފައިވަނީ ލިބުނު އަނިޔާތަކުގެ ސަބަބުން ކަމަށް އައި.ޖީ.އެމް.އެޗް ހޮސްޕިޓަލުން ވަނީ އަންގާފައެވެ.
މިމައްސަލަ އާއި ގުޅިގެން ފުލުހުން ވިދާޅުވީ މިއަދު ހެދުނު 9:30 އެހާކަންހާއިރު ބަންގްލަދޭޝް މީހަކު މަސައްކަތްކުރަމުން ދަނިކޮށް ވެއްޓިގެން އުޅޭ ކަމުގެ ރިޕޯޓް ލިބުނު ކަމަށާއި ހޮސްޕިޓަލަށް ގެންދެވުނުއިރު މަރުވެފައިވާކަމަށް ހޮސްޕިޓަލުން ފުލުހުންނަށް މައުލޫމާތުދީފައިވާ ކަމަށެވެ.
މިކަމާ ގުޅިގެން ފުލުހުން ދަނީ އިތުރަށް ބަލަންޖެހޭ ކަންތައްތައް ބަލައި މައްސަލަ ތަހުޤީގުކުރަމުންނެވެ.
ކޮންސްޓްރަކްޝަން މަސައްކަތްކުރާއިރު ސޭފްޓީ ބޭނުން ކުރަން މިނިސްޓްރީން އަންގާފައި ވަނީ މަސައްކަތުގެ މާހައުލުގައި ލިބިދާނެ މިފަދަ ގެއްލުންތަކުން ނުވަތަ ނުރައްކާތެރި ހާދިސާތަކުން ސަލާމަތްވެ ރައްކާތެރިވުމަށްޓަކައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.