ރައީސް އިބްރާހިމް މުހައްމަދު ސޯލިހު 27.4 މިލިއަން ރުފިޔާ، އޭނަ އަށް ދޭން އެބަހުރި ކަމަށް ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ތުހުމަތުކުރައްވައިފި އެވެ.
މުސްތަފާ މިއަދު ކޮށްފައިވާ ޓްވީޓެއްގައި ހާމަކޮށްފައިވާގޮތުގައި އެކަމުގެ ހެކި ވެސް އެބަހުރި ކަމަށާއި އެ ފައިސާ އަކީ މަޖިލީހުގެ މެމްބަރުންތަކެއް ގަންނަން ކޯލިޝަންގެ ބައިވެރިންގެ ތެރޭގައި ހިމެނޭ އެމްއާރްއެމްގެ ފާރިސް މައުމޫނާ ދެ މީހުންވެގެން ހޯދި ފައިސާތަކެއް ކަމުގައެވެ.
https://twitter.com/Thimarafushi/status/1546601367405744128?ref_src=twsrc%5Etfw%7Ctwcamp%5Etweetembed%7Ctwterm%5E1546601367405744128%7Ctwgr%5E%7Ctwcon%5Es1_c10&ref_url=https%3A%2F%2Fwww.addulive.com%2F261454
"މެމްބަރުން ގަންނަންވެގެން އިންތިހާބުތެރޭ ވިއްކާލި މަގޭ ބޯޓް އެ އޮތީ ހުކުމް ތަންފީޒުނުކުރެވިފައި،" މުސްތޮފާ ވިދާޅުވި އެވެ. "އެހެންކަމުން އެ ހުކުމުގައި ބުނާ 1.278 މިލިއަން ޑޮލަރު ވެސް ދޭން ޖެހޭނެ." ކަމުގައި އޭނާގެ ޓްވީޓްގައި ބުނެއެވެ. މުސްތަފާގެ މި ޓްވީޓާ ގުޅިގެން މަޖިލީހުގެ ނޮޅިވަރަމް ދާއިރާގެ ކުރީގެ މެންބަރު ޙުސައިން އަރީފު ވިދާޅުވެފައި ވަނީ މުސްތޮފާގެ އެ ތުހުމަތަކީ ހަގީގަތެއް ކަމަށެވެ.
https://twitter.com/husainaryf/status/1546650337481994240?ref_src=twsrc%5Etfw%7Ctwcamp%5Etweetembed%7Ctwterm%5E1546650337481994240%7Ctwgr%5E%7Ctwcon%5Es1_c10&ref_url=https%3A%2F%2Fwww.addulive.com%2F261454
ރައީސްގެ މައްޗަށް މުސްތޮފާ ފައިސާގެ ބޮޑު ތުހުމަތެއް ކުރައްވާފައިވާ މިދަނޑިވަޅުގައި ރައީސް ހުންނެވީ ހައްޖުގެ މާތް އަޅުކަމަށް ސައޫދީ އަރަބިއްޔާގައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.