ސިހުރު ހަދައި މަހާނަ މަތީގައި އިންދާފައިވާ ގަހެއް މާލޭ އާސަހަރާއިން ފެނިއްޖެއެވެ. މި ގަސްފެނިފައިވަނީ، އާސަހަރާ ސާފުކުރުމުގެ މަސައްކަތް ކުރިޔަށް ގެންދިޔުމުގެ ތެރޭގައި، އާސަހަރާގެ މަސައްކަތު މީހަކަށެވެ.

ބެލެވޭ ގޮތުގައި، ސިހުރުހަދައި މަހާނަ މަތީގައި އިންދާފައިވަނީ، ހިތްތަލަ ގަހެކެވެ. މިގަސް އުފުރުމުން، ގަސްފަޅާފައިވާ ހިތްތަލައިގައި، އަރަބި އަކުރުތަކާއި ގާތްކުރާ ސިހުރުކަމަށް ބެލެވޭ އެއްޗެއް ލިޔެފައި ހުރިކަން ފާހަގަވެފައި ވެއެވެ. އާސަހަރާގެ މަސައްކަތު މީހުންނަށް މިގަސް އުފުރުމުން މިކަން ފާހަގަވެފައިވަނީ މިއަދުގެ ހެނދުނުއެވެ.

މިގަސް ފެނުނު މަސައްކަތު މީހާ އެކަން މީޑިއާއަށް ރިޕޯޓްކޮށްފައިވާއިރު، މިކަން މިހާތަނަށް ކަމާބެހޭ އެއްވެސް ފަރާތެއްގެ ސަމާލުކަމަށް އައިސްފައިވާކަމަށް ނުބެލެވެއެވެ.

Sihuru

އިއްޔެގެ ވަގުތެއްގައި، ހުޅުމާލެ ސަހަރާ ސާފް ކުރަމުން ދަނިކޮށް އެތަނުގެ ވިނަގަނޑުގެ ތެރެއިން ސިހުރު ލިޔެފައިވާ ކެޔޮ ވަކެއްވެސް ފެނިފައިވެއެވެ. ސިހުރު ހެދުމަކީ ނުބައިކަން ބޮޑު ފާފައިގެ ތެރޭގައި ހިމެނޭ ޝައިޠާނީ އަމަލެކެވެ. ސިހުރުގެ މިނުބައި ވަބާ ދިވެހިންގެ ތެރޭގައި ޒަމާނުއްސުރެ ހަރުލާފައި ވާކަން ފާހަގަކުރެވެއެވެ. މިފަދަ އަމަލުތައް ހުއްޓުވައި، ސިހުރު ހަދާ ފަރާތްތަށް ހޯދައި، ހަރުކަށި އަދަބު ދޭންޖެހެއެވެ.