މިނިސްޓްރީ އޮފް ފިނޭންސްއާއި ގދ ތިނަދޫ ކައުންސިލާ ގުޅިގެން މާލިއްޔަތުގެ ގަވާއިދަށް މުވައްޒަފުން އަހުލުވެރިކުރުވުމުގެ ޕްރޮގްރާމެއް ކުރިއަށް ގެންދެވިފައިވާ ކަމަށް އެ މިނިސްޓްރީ އިން ހާމަކޮށްފި އެވެ.
ފިނޭންސް މިނިސްޓަރީއިން އިއްޔެ ހަވީރު ކުރި ޓްވީޓެއްގައި ހާމަކޮށްފައިވާ ގޮތުން މާލިއްޔަތު ގަވާއިދަށް އަހުލުވެރި ކުރުވުމުގެ މި ޕްރޮގްރާމް ކުރިއަށް ގެންގޮސްފައިވަނީ އެމިނިސްޓަރީގެ ޕަބްލިކް ފައިނޭންސް އިންސްޓްޓިއުޓާއި ގދ ތިނަދޫ ކައުންސިލާ ގުޅިގެންނެވެ.
ދައުލަތުގެ މާލިއްޔަތު ގަވާއިދަށް އަހުލުވެރިކޮށް ތާޒާ ކުރުމަށް ހިންގި މިޕްރޮގްރާމުގައި ބައިވެރިވެފައިވަނީ ތިނަދޫ ކައުންސިލާއި، ގދ.އަތޮޅު ކައުންސިލާއި، ގދ.އަތޮޅުގެ ބައެއް ރަށްރަށުގެ ކައުންސިލްތަކުގެ ކަމާބެހޭ މުވައްޒަފުންނެވެ. މި ޕްރޮގްރާމް ކުރިއަށް ގެންގޮސްފައި ވަނީ މި ނިމުނު ހަފުތާ ބަންދު ތެރޭގައެވެ.
ދައުލަތުގެ މާލިއްޔަތު ގަވާއިދަށް އަހުލުވެރިކޮށް ތާޒާ ކުރުމަށް ހިންގި މިޕްރޮގްރާމުގެ ބައިވެރިންނަށް، މި ޕްރޮގްރާމްގައި ބައިވެރިވިކަމުގެ ލިޔުމެއް ހަވާލުކުރެވުނެވެ.
.
ޚިޔާލު
އެންމެ ފުރަތަމަ ޚިޔާލު ދެއްވާ.