ތިނަދޫ ފަޅުގައި އޮތް ތެޔޮ ބޯޓެއްގައި އަލިފާން ރޯވެއްޖެ

ގދތިނަދޫ ފަޅުގައި އޮތް ހަތާ ފިއުލްސް ކުންފުނީގެ ތެޔޮ ބޯޓެއްގައި ދާދި ދެންމެ އަކު އަލިފާން ރޯވެއްޖެ އެވެ.

މަންޒަރު ދުއް މީހަކު ހުވަދޫ މީޑިއާ އަށް މައުލޫމާތު ދެމުން ބުނީ އަލިފާން ރޯވީ ބޯޓުން ތެޔޮ ހުސް ކުރުމަށް ބޭނުން ކުރި ޕަމްޕުގައި ކަމަށާއި ޖެޓީ މަތީގައި ހުރި އެ ޕަމްޕުގައި ރޯވި އަލިފާން ބޯޓުގައި ހިފި ކަމަށެވެ. ނަމަވެސް ވަރަށް އަވަހަށް އެ އަލިފާން ނިއްވާ ލެވިއްޖެ ކަމަށް އަލިފާން ނިއްވައި ބޯޓު ސަލާމަތް ކުރުމުގައި އަމަލީ ގޮތުން އުޅުން އެ މީހާ ބުންޏެވެ.

ހަތާ ފިއުލްސް ތެޔޮ ބޯޓެއްގައި އަލިފާން ރޯވީ ޙާދިސާ ގައި އެބޯޓުގައި މަސައްކަތް ކުރާ ބިދޭސީ އެއްގެ ގައިގައި ވަނީ އަލިފާން ހިފާ ޒަޚަމް ތަކެއް ވެފައެވެ. އެ މީހާ މިހާރު ވަނީ ޑރ އަބްދުއްސަމަދު މެމޯރިއަލް ހޮސްޕިޓަލަށް ގެންދެވި އަވަސް ފަރުވާ ދެވިފައެވެ. މީގެ ބައި ގަޑި އިރު ކުރިން ހިނގި މި ހާދިސާ ގައި ބޯޓު ސަލާމަތްވީ އެވަގުތު އެތާ ކައިރީގައި ތިބި އާންމުންގެ އެއްބާރުލުންލިބިގެންނެވެ.

https://twitter.com/MNDF_Official/status/1661649336269438976?s=20