150،000ރ ރުފިޔާގެ މުދަލާ އެކު ފިލި ޓެކްސީއެއް ފުލުހުން ހޯދައިފިއެވެ.
ފުލުހުންނަށް ލިބުނު ރިޕޯޓަކާ ގުޅިގެން ހޯދި މި ޓެކްސީ އަށް މުދާ އެރުވުމަށްފަހު، ގެންދަން ބުނި ތަނަށް ނުގެންގޮސް ފިލި ޓެކްސީއެކެވެ.
ފުލުހުން ބުނީ ވެލާނާ އިންޓަނޭޝަނަލް އެއާޕޯޓުގެ ޓެކްސީ ކިއު އިން އިއްޔެ ހަވީރު ޓެކްސީއެއް ނަގައި، އޭގައި 150،000ރ. އިލެކްޓްރޯނިކް ސާމާނު ތަނަކަށް ގެންދަން ހަވާލުކުރުމުން އެ މުދާ ބުނި ތަނަށް ނުގެންގޮސް، ޓެކްސީ ފިލި މައްސަލައެއް ރިޕޯޓްކޮށްފައިވާ ކަމަށެވެ.
https://twitter.com/policemv/status/1664517597986197504?s=46&t=YOMcM7x-FnT57_2QqFS_kQ
އެ މައްސަލައާ ގުޅިގެން ސީސީޓީވީ ފޫޓޭޖް ބަލައިގެން އެ ޓެކްސީ ހޯދައި، މުދާތައް ހޯދާފައިވާ ކަމަށް ވެސް ފުލުހުން ބުންޏެވެ.
ޓެކްސީ ގައި ގެންދިޔަ ސާމާނު ހޯދައި، ވެރިފަރާތާ ހަވާލުކުރިޔަސް އެ މައްސަލާގައި ޓެކްސީ ޑްރައިވަރާ މެދު ފިޔަވަޅެއް އެޅި ކަމެއް ފުލުހުން އަދި ނުބުނެ އެވެ.
"ރައްޔިތުންނަށް ކަމެއް ދިމާވާ ހިނދު ފުލުހުންގެ އެހީތެރިކަން އަބަދުވެސް ލިބޭނެ" ފުލުހުން ބުންޏެވެ.
ފުލުހުންގެ ތަފާސްހިސާބުތަކަށް ބަލާއިރު މިދިޔަ 3 އަހަރު ވެސް އެންމެ ގިނައިން ރިޕޯޓްކުރީ ވައްކަމުގެ މައްސަލަތަކެވެ. އަދި މިއަހަރުގެ މިހާތަނަށް ވެސް އެންމެ ގިނައިން ރިޕޯޓްކުރީ އެފަދަ މައްސަލަތައް ކަން ފާހަގަ ކުރެވެއެވެ .
ޚިޔާލު
އެންމެ ފުރަތަމަ ޚިޔާލު ދެއްވާ.