މާލޭގައި ހުންނަ ޗައިނާގެ އެމްބަސީގެ ފާރުގައި "އިންޑިއާ އައުޓް" ލިޔުނު މީހާއަށް ޖޫރިމަނާ ދެއްކޭނެ ގާބިލްކަން ހުރިކަން ޔަގީންކޮށްދިނުމަށް ހުށަހަޅަންޖެހޭ ލިޔުން، ހުށަނޭލުމުން ޖަލަށް ދާން ޖެހިއްޖެއެވެ.
މިލިޔުން ޗައިނާ އެމްބަސީގެ ފާރުގައި ލިޔެފައިވަނީ މުހައްމަދު އަނީލް ކިޔާ ށ. ފޭދޫ މީހެކެވެ. މި މައްސަލައާއި ގުޅިގެން މުދަލަށް ގެއްލުންދިން ކަމުގެ ދައުވާގެ ޝަރީއަތް ފެށުމުގެ ކުރިން އަނީލްވަނީ އިބްތިދާއީ އަޑުއެހުމުގައި އެކަމަށް އިއުތިރާފްވެފައެވެ.
އަނީލް ބުނި ގޮތުގައި އޭނާ އަކީ މަސްވެރިކަން ކޮށްގެން އާމްދަނީ ހޯދަމުން އަންނަ މީހެކެވެ. ވަކީލަކު ބޭނުން ނުވާ ކަމަށް ބުނެ މައްސަލަ ކުރިއަށް ގެންދިޔަ އަނީލްގެ މައްޗަށް ސާބިތުވި ކުށުގެ އަސާސީ އަދަބަކީ 1 މަހާއި ހަ ދުވަހަށް ޖަލަށްލުން ކަމަށް ވިޔަސް ޝަރީއަތް ފެށުމުގެ ކުރިން ކުށަށް އިއުތިރާފްވެއްޖެ ނަމަ ކުށުގެ އެއް ދަރަޖަ ދަށްވާތީ އައީ 27 ދުވަހުގެ ހުކުމެކެވެ. އޭނާ އެކަން ކޮށްފައިވަނީ އެހެން މީހަކު ބުނެގެންކަމަށް ކޯޓް އަޑުއެހުމުގައި އޭނާ ބުނެފައިވެއެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.