7 އަހަރުގެ މެދުކެނޑުމަކަށްފަހު ބޭއްވި ސްކޫލުތަކުގެ ލަވަ މުބާރާތުން ގދ. ތިނަދޫއަށް ހާއްސަ ވަނަތަކެއް ލިބއްޖެއެވެ.
އިންޓަރ ސްކޫލު ލަވަ މުބާރާތް 2023ގެ ނަތިޖާ ފާޅުކުރުމުގެ ޙަފްލާ ކުލަގަދަކޮށް ބާއްވާފައިވަނީ އޮލިމްޕަހުގައެވެ. އަހަރުތަކެއްފަހުން ބޭއްވި މި މުބާރާތުން އެންމެ މޮޅު ސްކޫލުގެ ކެޓަގަރީން ތިނަދޫ ސްކޫލްވަނީ ދެވަނަ ހޯދާފައެވެ.
އަދި ފައުންޑޭޝަން ސްޓޭޖުން ތިނަދޫ އަބޫބަކުރު ސްކޫލުގެ ދަރިވަރު، އީތަން އަޙްމަދު ޢާމިލުއަށް ވަނީ 2 ވަނަ ލިބިފައެވެ. އަދި ހަމަ މި ސްކޫލުގެ ދަރިވަރު ޒީކް އިބްރާހިމް ލުތުފީއަށް 13 އަހަރުން ދަށުގެ އުމުރުފުރައިން ވަނީ ފަޙުރުވެރި އެއްވަނަ ހޯދާފައެވެ.
، ފޮޓޯ: އެޑިއުކޭޝަން މިނިސްޓްރީ މިމުބާރާތުގައި ރާއްޖޭގެ 32 ސްކޫލަކުން 266 ބައިވެރިންވަނީ ލަވަ ހުށައަޅައިދީފަ
މީގެ ކުރިން ބޭއްވި ސްކޫލުކުދިންގެ ލަވަ މުބާރާތުން ޖެހިޖެހިގެން ތިން ފަހަރު ގދ.ތިނަދޫ މުޢާވިޔަތު އަންވަރު އަދި މުހައްމަދު ޒަލީފް އަބްދުﷲ ވަނީ ތަށި މިލްކުކޮށްފައެވެ.
މި މުބާރާތުގައި ފަނޑިޔާރުން ވަނީ 3 ދާއިރާއަކުން ދަރިވަރުންގެ ހުށައެޅުންތައް އިންސާފުކޮށްދެއްވާފައެވެ. އެއީ ކިޔުންތެރިކަމާއި، މިއުޒިކީ އުފެއްދުންތެރިކަމާއި، ޅެންވެރިކަމުގެ ބައެވެ.
މި ފަޙުރުވެރި ވަނަތަކާއި އެކު މި ފަހަރުގެ ލަވަ މުބާރާތް ވެފައިވަނީ ތިނަދޫއަށް ގިނަ ގޮތްގޮތުން ޙާއްސަ މުބާރާތަކަށެވެ. އަދި މީ އެތައް އަހަރަކަށްފަހު ސްކޫލުތަކުގައި ބޭއްވި އެންމެ ވާދަވެރި އެއް މުބާރާތެވެ. މި ފަހަރުގެ ލަވަ މުބާރާތުގައި ރާއްޖޭގެ 32 ސުކޫލަކުން 266 ބައިވެރިންވަނީ ލަވަ ހުށަހަޅާފައެވެ. އަދި މިފަހަރުގެ މުބާރަތަކީ އެންމެ ގިނަ އަމިއްލަ ރާގު ހުށަހަޅައިދިން މުބާރާތެވެ. އެ ގޮތުން 69 އަމިއްލަ ރާގުގެ ލަވަ މި މުބާރާތުގައި ވަނީ ހުށަހަޅާފައެވެ.
ޚިޔާލު
އެންމެ ފުރަތަމަ ޚިޔާލު ދެއްވާ.