ދައުލަތުގެ ބާރު ނުފޯރާގޮތަށް އަމިއްލަ ކުންފުންޏަކަށް ދީފައިވާ ކާޑެއްދޫ ތަރައްގީ ކުރުމުގެ ވާހަކަ އިތުރަށް ނުދައްކާ ތިނަދޫ ފަޅުތެރެއިން ބިންހިއްކައިގެން އެއަރޕޯޓެއް ތަރައްގީ ކުރުން މިހާރުން މިހާރަށް ކުރަންޖެހޭ ކަމަށް ތިނަދޫ ކައުންސިލް ރައީސް ވިދާޅުވެއްޖެއެވެ.
ތިނަދޫ އަކީ ބޮޑު ފަޅެއް އޮތް ރަށަކަށް ވެފައި ތިނަދޫ ކަހަލަ އާބާދީ ބޮޑު ރަށެއްގައި އެއަރޕޯޓެއް ތަރައްޤީ ކުރެވެންޖޭހޭ ކަމަށް ތިނަދޫ ކައުންސިލް ރައީސް ދަނީ އެކި އެކި ޕްލްޓްފޯމް ތަކުގައި ވާހަކަ ދައްކަމުންނެވެ.
ކާޑެއްދޫ އެއާޕޯރޓް ގެ ހާލަތު ހުރިގޮތުން އެ އެއާރޕޯޓުގެ ޚިދުމަތް ބޭނުންކުރާ ރައްޔިތުން ބުނަމުން ދާއިރު، އެއާރޕޯޓް ހިންގުން ވިލާ ކުންފުންޏާއި ހަވާލުކުރިފަހުން މިއަދާ ހަމައަށް އެ އެއާޕޯޓްގައި އެރައިވަލް ހޯލްގައި ފިލާޖެހުން ފިޔަވައި އިތުރު ކަމެއް ނުހިނގާކަން ފާހަގަކޮށްލެވެއެވެ.
ކާޑެއްދޫ އެއާޕޯޓަކީ ގިނަ އަދަދެއްގެ ފަތުރުވެރިންނާއި އާއްމުން ބޭނުން ކުރަމުން އަންނަ އެއާޕޯޓެކެވެ. އެހެން ނަމަވެސް ފަސިންޖަރުންނަށް ފަސޭހަ ކުރުމުގެ ގޮތުންނާއި، ޒަމާނީ އެއާޕޯޓަކަށް ހެދުމަށް މާބޮޑު ސަމާލުކަމެއް ވިލާ ކުންފުނިން އަދި މީގެ ކުރިން ސަރުކާރުން ހިންގަމުން އައިއިރު، އެއިރެއްގައި އޮތް ސަރުކާރަކުންވެސް ކުރިތަނެއް ނުފެނެއެވެ.
ކާޑެއްދޫ ޑޮމެސްޓިކް އެއާޕޯޓަކީ ބައިނަލްއަގްވާމީ ފެންވަރުގެ އެއާޕޯޓަކަށް ހަދާ، ކާޑެއްދޫ އާއި ގދ. ތިނަދޫ ބްރިޖަކުން ގުޅުވާލާނެ ކަމުގެ ޔަގީންކަން ރައީސް އިބްރާހީމް މުހައްމަދު ސޯލިހު ދެއްވާފައިވާ ކަމަށް ތިނަދޫ ދެކުނު ދާއިރާގެ މެމްބަރު އަބްދުﷲ ސަނީފް ވަނީ މީގެ ކުރިން ވިދާޅުވެފައެވެ.
ޚިޔާލު (1)
ސަނީފު ގުޅުވި ބުރިޖު ފެންނަން ދުވަސްކޮޅެއްނަގާނެ. ކެތްތެރިވެލައްވާ.